ശബരിമല തീർത്ഥാടനം: തകർന്നടിഞ്ഞ് കല്ലേലി ഊരാളി അപ്പൂപ്പൻ കാവ് – അച്ചൻകോവിൽ കാനനപാത; സഞ്ചാര യോഗ്യമാക്കണം എന്നാവശ്യം

കോന്നി : ശബരിമല തീർത്ഥാടനകാലം അടുത്തിരിക്കെ അയ്യപ്പന്മാർ കാൽനടയായി എത്തുന്ന പരമ്പരാഗത അച്ചൻകോവിൽ – കല്ലേലി കാനന പാത രൂക്ഷമായ തകർച്ചയിൽ.

വനം വകുപ്പിന്റെ കല്ലേലി കാവൽപ്പുര മുതൽ കല്ലേലിക്കാവിനു മുന്നിലൂടെ ഉള്ള അച്ചൻകോവിൽ കോട്ടവാസൽ ചെങ്കോട്ട കാനന പാതയുടെ കല്ലേലി ചെക്ക് പോസ്റ്റ്‌ മുതൽ വർഷങ്ങളായി അറ്റകുറ്റപണികൾ നടക്കുന്നില്ല . റോഡിന്റെ ഇരു ഭാഗവും വലിയ കുഴികളാണ് .വാഹനങ്ങൾ വളരെ ബുദ്ധിമുട്ടിയാണ് കടന്നു പോകുന്നത്. ഇവിടം നിത്യവും അപകട മേഖലയാണ് എന്ന് പ്രദേശ വാസികൾ പറയുന്നു. റോഡിലെ ഇരു ഭാഗത്തെയും കുഴികൾ മണ്ണിട്ട്‌ നികത്താൻ പോലും അധികൃതർക്ക് കഴിഞ്ഞിട്ടില്ല .

​ ത​മി​ഴ്നാ​ട് കു​റ്റാ​ല​ത്തു​നി​ന്ന്​ ചെ​ങ്കോ​ട്ട, മേ​ക്ക​ര, കോ​ട്ട​വാ​സ​ൽ, അ​ച്ച​ൻ​കോ​വി​ൽ, ആ​വ​ണി​പ്പാ​റ,മ​ണ്ണാ​റ​പ്പാ​റ, കു​ട​മു​ക്ക്, ക​ടി​യാ​ർ,ന​ടു​വ​ത്തു​മൂ​ഴി, ക​ല്ലേ​ലി, അ​രു​വാ​പ്പു​ലം വ​ഴി കോന്നി എ​ലി​യ​റ​ക്ക​ൽ എ​ത്തു​ന്ന പരമ്പരാഗത റോ​ഡാ​ണ് അറ്റകുറ്റപണികൾ ഇല്ലാതെ കുഴിയായി കിടക്കുന്നത് . ഏതാനും വർഷം മുന്നേ ചില സ്ഥലങ്ങളിൽ ടാറിംഗ് നടത്തി. എന്നാൽ വീതി കൂട്ടിയില്ല . അ​ച്ച​ൻ​കോ​വി​ലി​ൽ​നി​ന്ന്​ പ്ലാ​പ്പ​ള്ളി വ​രെ​യു​ള്ള 100 കി​ലോ​മീ​റ്റ​ർ കെ.​എ​സ്.​ടി.​പി പ​ദ്ധ​തി​യി​ൽ ഉ​ൾ​പ്പെ​ടു​ത്തി സ​ഞ്ചാ​ര​യോ​ഗ്യ​മാ​ക്കാ​ൻ പ​ദ്ധ​തി ത​യാ​റാ​ക്കി​യി​രുന്നു. അ​തി​നാ​യി 100 കോ​ടി​യും അ​നു​വ​ദി​ച്ചി​രു​ന്നു. എന്നാൽ കല്ലേലി അച്ചൻകോവിൽ കാനന പാതയിൽ ഒരു നിർമ്മാണവും നടന്നിട്ടില്ല .

ശബരിമല തീർഥാടകർ കാൽനടയായി കടന്നു വരുന്ന കല്ലേലി – അച്ചൻകോവിൽ കാനന പാത നിലവിൽ കാൽനടയാത്രയ്‌ക്ക് പോലും സഞ്ചാരയോഗ്യമല്ല .കാൽ നടയായി എത്തുന്ന അന്യ സംസ്ഥാന അയ്യപ്പന്മാരുടെ പ്രധാന കാനന ഇടത്താവളം ആണ് കല്ലേലി ഊരാളി അപ്പൂപ്പൻ കാവ് .

വർഷങ്ങളായി അറ്റകുറ്റപണികൾ ഇല്ല . പി​റ​വ​ന്തൂ​ർ, അ​രു​വാ​പ്പു​ലം പഞ്ചായത്ത് മേഖലയാണ് ഈ വന പാത . ചെ​ങ്കോ​ട്ട​യി​ൽ​നി​ന്ന് വ​രു​ന്ന ശ​ബ​രി​മ​ല തീ​ർ​ഥാ​ട​ക​ർ​ക്ക് കി​ലോ​മീ​റ്റ​റു​ക​ൾ ലാ​ഭി​ച്ച് കോ​ന്നി​വ​ഴി പ​മ്പ​യി​ൽ എ​ത്താ​ൻ ഉ​പ​ക​രി​ക്കു​ന്ന​താ​ണ് പാ​ത.അച്ചൻകോവിൽ ,കോന്നി വനം ഡിവിഷനുകളുടെ കീഴിൽ വരുന്ന ഈ കാനന പാതയുടെ അറ്റകുറ്റപണികൾ അടിയന്തിരമായി ചെയ്തു സഞ്ചാരയോഗ്യമാക്കണം എന്ന് ഭക്തർ ആവശ്യം ഉന്നയിച്ചിട്ടുണ്ട്.റോഡിലെ ഇരു ഭാഗവും വീതി കൂട്ടി കുറ്റമറ്റതാക്കാനും കല്ലേലി ചെക്ക് പോസ്റ്റ്‌ മുതൽ ഉള്ള കാനന പാത ടാറിംഗ് നടത്തി സഞ്ചാരയോഗ്യമാക്കണമെന്നും വർഷങ്ങളായുള്ള ആവശ്യം ആണ് .

റോ​ഡ് സ​ഞ്ചാ​ര യോ​ഗ്യ​മാ​യാ​ൽ ചെ​ങ്കോ​ട്ട, തി​രു​നെ​ൽ​വേ​ലി, തെ​ങ്കാ​ശി എ​ന്നി​വി​ട​ങ്ങ​ളി​ൽ​നി​ന്ന്​ ശ​ബ​രി​മ​ല​ക്ക് വ​രു​ന്ന തീ​ർ​ഥാ​ട​ക​ർ​ക്ക് ആ​ര്യ​ങ്കാ​വ്, തെ​ന്മ​ല, ഇ​ട​മ​ൺ, പു​ന​ലൂ​ർ വ​ഴി​യു​ള്ള ചു​റ്റി ക​റ​ക്കം ഒ​ഴി​വാ​ക്കാ​ൻ ക​ഴി​യും. അ​തു​പോ​ലെ കൊ​ല്ലം, തി​രു​മം​ഗ​ലം ദേ​ശീ​യ പാ​ത​യി​ൽ എ​സ് വ​ള​വി​ലെ തി​ര​ക്കും ഒ​ഴി​വാ​ക്കാം.

ഈ ആവശ്യം കാണിച്ച് കല്ലേലി ഊരാളി അപ്പൂപ്പൻ കാവ് ഭരണ സമിതി പ്രസിഡന്റ് അഡ്വ സി വി ശാന്തകുമാറിന്റെ നേതൃത്വത്തിൽ വനം വകുപ്പ് മന്ത്രിയ്‌ക്കും നിവേദനം നൽകി.