ന്യൂഡൽഹി : ദേശീയ ഗീതമായ വന്ദേ മാതരത്തിന്റെ 150-ാം വാര്ഷികത്തിൽ ഒരു വർഷം നീണ്ടുനിൽക്കുന്ന ആഘോഷപരിപാടികൾക്ക് തുടക്കമായി. പ്രധാനമന്ത്രി നരേന്ദ്രമോദി നാണയവും സ്റ്റാമ്പും പുറത്തിറക്കി ആഘോഷ പരിപാടികൾ ഉദ്ഘാടനം ചെയ്തു.. രാവിലെ 9.50ന് ഡൽഹിയിലെ ഇന്ദിരാഗാന്ധി ഇൻഡോർ സ്റ്റേഡിയത്തിൽ ഗാനാലാപനത്തിന് പ്രധാനമന്ത്രി നേതൃത്വം നൽകി.
ഇന്ത്യയുടെ സ്വാതന്ത്ര്യ പ്രസ്ഥാനത്തിന് പ്രചോദനം നൽകുകയും ദേശീയ അഭിമാനവും ഐക്യവും ഉണർത്തുകയും ചെയ്ത വന്ദേ മാതാരത്തിന്റെ 150-ാം വാര്ഷിക പരിപാടികൾ 2025 നവംബർ 7 മുതൽ 2026 നവംബർ 7 വരെ ആഘോഷിക്കുകയാണ്. ഒരു വർഷം നീണ്ടുനിൽക്കുന്ന ഈ അനുസ്മരണ പരിപാടിയുടെ ഔപചാരികമായ സമാരംഭമാണ് ഇന്ന് നടന്നത്.
“ഇന്ത്യയുടെ സ്വാതന്ത്ര്യ പ്രസ്ഥാനത്തിന് പ്രചോദനം നൽകുകയും ദേശീയ അഭിമാനവും ഐക്യവും ഉണർത്തുകയും ചെയ്യുന്ന ബങ്കിംചന്ദ്ര ചാറ്റർജിയുടെ കാലാതീതമായ രചന”യുടെ 150 വർഷങ്ങൾ ആഘോഷിക്കുമെന്ന് പ്രധാനമന്ത്രിയുടെ ഓഫീസ് പുറത്തിറക്കിയ പ്രസ്താവനയിൽ പറയുന്നു.
