വിവാഹം എന്ന് പറയുമ്പോൾ തന്നെ നമ്മുടെ മനസിലേക്ക് വരുന്നത് ആർഭാടവും അലങ്കാരവും നിറഞ്ഞ കല്യാണവേദികളും ഒരുങ്ങിനിൽക്കുന്ന വധൂവരന്മാരുമാണ്. വിവാഹം എത്രമാത്രം ആഢംബരമാക്കാനാകുമോ അത്രയും ഭംഗിയായാണ് ഓരോരുത്തരും ആഘോഷിക്കുന്നത്. ആഭരണങ്ങളും വസ്ത്രങ്ങളും നീണ്ട ആഘോഷ പരിപാടികളുമൊക്കെയായി വലിയൊരു തുക തന്നെ മുടക്കുന്നു.
സെലിബ്രിറ്റികളുടെ കല്യാണം പോലെ ആഘോഷിക്കാനും പലരും മുൻകൈയ്യെടുക്കാറുണ്ട്. എന്നാൽ പുറത്തുവരുന്ന റിപ്പോർട്ടുകൾ പ്രകാരം വിവാഹം വളരെ ലളിതമായി നടത്തി ചെലവ് കുറയ്ക്കുകയും ആ പണം ഉപയോഗിച്ച് മധുവിധുവിന് പോവുകയും ചെയ്യുന്ന നവദമ്പതികളാണ് ഇന്ന് അധികവും. രജിസ്റ്റർ ഓഫീസിലോ അമ്പലത്തിലോ വച്ച് വിവാഹം കഴിക്കുകയുമൊക്കെയാണ് അധികം ആളുകളും ചെയ്യുന്നത്.
കല്യാണച്ചെലവുകൾ പൂർണമായും ഒഴിവാക്കി ഹണിമൂണിന് വിദേശത്തേക്ക് പറക്കുകയാണ് നവദമ്പതിമാർ. വെറുതെ പണം പാഴാക്കി കളയാതെ യാത്ര ചെയ്ത് സന്തോഷം കണ്ടെത്തുക എന്നതാണ് അവർ മുന്നോട്ടുവയ്ക്കുന്ന സന്ദേശം.
