പണ്ടുകാലങ്ങളിൽ വിവാഹങ്ങൾക്ക് വധൂവരന്മാരുടെ ജാതകം നോക്കുന്നത് തന്നെ ഒരു ചടങ്ങാണ്. ജാതകം നോക്കി പരസ്പരം നാളുകൾ ചേരുന്നുണ്ടോയെന്നും പൊരുത്തവുമൊക്കെ നോക്കിയാണ് വിവാഹത്തിലേക്ക് കടക്കുന്നത്. നാളുകൾ തമ്മിൽ ചേരുന്നുണ്ടേങ്കിൽ മാത്രമാണ് ആ ബന്ധവുമായി മുന്നോട്ടുപോകുന്നത്. അതിൽ ഏറ്റവും പ്രധാനപ്പെട്ട ഒന്നാണ് ഒരേ നക്ഷത്രക്കാർ തമ്മിലുള്ള പൊരുത്തം.
ഒരേ നാളുകാർ വിവാഹം കഴിക്കുന്നതിൽ പലർക്കും പല അഭിപ്രായവ്യത്യാസങ്ങളുണ്ട്. വിവാഹമോചനത്തിന് കാരണമായി പലരും അക്കാര്യം പറയാറുമുണ്ട്. എന്നാൽ സത്യാവസ്ഥ അന്വേഷിച്ച് ആരും പോകാറുമില്ല. ജ്യോതിഷ പ്രകാരം ചില നക്ഷത്രക്കാർ അതേ നക്ഷത്രത്തിലുള്ളവരെ വിവാഹം ചെയ്യുന്നത് ദോഷമാണ്. ഇത്തരക്കാർ വിവാഹത്തിന്റെ ആദ്യ നാളുകളിൽ സ്നേഹത്തോടെയിരിക്കുകയും പിന്നീട് വിവാഹമോചനത്തിലേക്ക് നീങ്ങുകയും ചെയ്യുമെന്നാണ് പറയപ്പെടുന്നത്.
രോഹിണി, തിരുവാതിര, പൂയം, അവിട്ടം, മൂലം, മകം തുടങ്ങിയ നക്ഷത്രങ്ങളിലുള്ളവർ അതേ നക്ഷത്രത്തിലുള്ള വ്യക്തികളെ വിവാഹം കഴിച്ചാൽ പ്രശ്നങ്ങൾ ഉണ്ടാകും. ജീവിതത്തിൽ ഒരുപാട് ദുഃഖവും വിപത്തുകളും ഉണ്ടാകാനും സാധ്യതയുണ്ട്.
