നാം ആഗ്രഹിക്കുന്നത് പോലെയുള്ള വിവാഹം നടക്കാൻ പ്രാർത്ഥനകളും നേര്ച്ച കാഴ്ചകളും നടത്തുന്നവരാണ് മിക്ക മനുഷ്യരും. ഇതിനു വേണ്ടി പ്രത്യേകിച്ച് നടത്തപ്പെടുന്ന ഒരു പൂജയുണ്ട്. വള്ളിത്തിരുമണ പൂജ എന്നാണ് ആ പൂജയുടെ പേര്. കോട്ടയം തിരുവഞ്ചൂർ സുബ്രഹ്മണ്യ സ്വാമി ക്ഷേത്രത്തിലാണ് ഈ പൂജ നടത്തുന്നത്.
കോട്ടയം ജില്ലയിലെ പ്രശസ്തമായ സുബ്രഹ്മണ്യ സ്വാമി ക്ഷേത്രങ്ങളിൽ ഒന്നാണ് തിരുവഞ്ചൂർ സുബ്രഹ്മണ്യ സ്വാമി ക്ഷേത്രം. കോട്ടയം നഗരത്തിന് സമീപം സ്ഥിതി ചെയ്യുന്ന ഈ ക്ഷേത്രം, നൂറ്റാണ്ടുകൾ പഴക്കമുള്ളതും, വിശ്വാസികൾക്കിടയിൽ ഏറെ പ്രസിദ്ധവുമാണ്.സുബ്രഹ്മണ്യ സ്വാമിയാണ് പ്രധാന പ്രതിഷ്ഠ. ബാലസുബ്രഹ്മണ്യ ഭാവത്തിലാണ് സ്വാമി കുടിയിരിക്കുന്നത്.ക്ഷേത്രത്തിലെ വാർഷികോത്സവം ഭക്തിനിർഭരമായാണ് ആഘോഷിക്കുന്നത്. വളരെ ശാന്തവും ഭക്തിസാന്ദ്രവുമായ അന്തരീക്ഷമാണ് ഇവിടെയുള്ളത്. തിരുവഞ്ചൂർ എന്ന സ്ഥലം തന്നെ ഈ ക്ഷേത്രത്താൽ പ്രശസ്തമാണ്. തിരുവഞ്ചൂർ സുബ്രഹ്മണ്യ സ്വാമി ക്ഷേത്രം കോട്ടയത്തെ പ്രധാനപ്പെട്ട തീർത്ഥാടന കേന്ദ്രങ്ങളിൽ ഒന്നാണ്. പതിനഞ്ചാം നൂറ്റാണ്ടിലാണ് ഈ ക്ഷേത്രം പണികഴിപ്പിച്ചത്.
വല്ലി സമേതനായി നിലകൊണ്ട് ഒരു ദേശത്തെ മുഴുവൻ കത്ത് വാഴുന്ന ദേവതയാണ് തിരുവഞ്ചൂർ ശ്രീ സുബ്രഹ്മണ്യ സ്വാമി ക്ഷേത്രം.അഞ്ജനശിലയിൽ തീർത്ത് പഞ്ചലോഹാവരണം ചെയ്ത ആറടി ഉയരത്തിലുള്ള പ്രതിഷ്ഠയാണ് ഇവിടുത്തേത്. മാത്രമല്ല നാടിന്റെ മുഴവൻ ഐശ്വര്യ പ്രദായിനിയായി ഭഗവതിയും, പ്രഭ – സത്യക സമേതനായി ശാസ്താവും പടിഞ്ഞാറു ചെറുതൃക്കയിൽ ശ്രീകൃഷ്ണഭഗവാനും കുടികൊള്ളുന്നു. സുബ്രഹ്മണ്യ ക്ഷേത്രത്തിന്റെ വടക്കുഭാഗത്തു പലമരചുവട്ടിൽ തിരുവഞ്ചിപ്പുഴ കാലയക്ഷി അധിവസിക്കുന്നു . ശരവണധ്യാനം, വള്ളിതിരുമണ പൂജ, ബ്രഹ്മചാരിക്കൂത്തു, ഒറ്റനാരാങ്ങാ,വെള്ളിപാത്ര നിവേദ്യം എന്നിവയാണ് പ്രധാന വഴിപാടുകൾ. ഫലസിദ്ധിക്കു ശേഷം മാത്രം നടത്തേണ്ടുന്ന വഴിപാടുകളാണ് ഇവിടുത്തെ പ്രത്ത്യേകത.
അനുഭവസിദ്ധി കൊണ്ട് പ്രശസ്തമാണ് കോട്ടയം തിരുവഞ്ചൂർ സുബ്രഹ്മണ്യ സ്വാമി ക്ഷേത്രത്തിലെ വള്ളിത്തിരുമണ പൂജ. ഇഷ്ടവിവാഹസിദ്ധിക്കും വിവാഹതടസ്സങ്ങൾ മാറാനുമാണ് ഈ പൂജ നടത്തുന്നത്. കാര്യസാധ്യത്തിനു ശേഷം വഴിപാട് നടത്തുന്നതാണ് ചിട്ട. മകരമാസത്തിലെ തൈപ്പൂയം ക്ഷേത്രത്തിലെ പ്രധാന ഉത്സവദിനമാണ്.
ആറു മാസം തുടർച്ചയായി (അല്ലെങ്കിൽ ആറുതവണ) ഷഷ്ഠിവ്രതം അനുഷ്ഠിച്ച് സുബ്രഹ്മണ്യസ്വാമിയെ തൊഴുത് പ്രാർഥിച്ചാൽ ഏതു പ്രതിസന്ധിയിൽ നിന്നും കരകയറാനുള്ള മാർഗം മുന്നിൽ തെളിയുമെന്നാണു വിശ്വാസം.
