വിവാഹദിവസത്തെ പ്രധാന ആകർഷണം വധൂ വരന്മാരായിരുന്നു എന്നതിൽ നിന്നും മാറി ഇന്ന് അവരെക്കാൾ മഹോഹരമായി ഒരുങ്ങുന്ന സുഹൃത്തുക്കളെയും ബന്ധുക്കളെയും കാണാം. വിവാഹദിവസങ്ങളിൽ ഡ്രസ്സ് കൊടുക്കലും കളർകോഡുകളും ഇപ്പോൾ വളരെ ട്രെൻഡിങ് ആണ്. പ്രത്യേകിച്ച് വധുവിന്റെ സുഹൃത്തുകൾക്കും ബന്ധുക്കൾക്കുമിടയിൽ.
പക്ഷെ പലപ്പോഴും വധൂവരന്മാരുടെ വസ്ത്രവും ഡ്രസ്സ് കോഡ് ധരിക്കുന്നവർ തെരഞ്ഞെടുക്കുന്ന നിറവും തമ്മിൽ മിസ്മാച്ച് ആവുന്നതും കണ്ടുവരാറുണ്ട്. വധു ചുവപ്പ് വസ്ത്രമാണെങ്കിൽ സുഹൃത്തുക്കൾ പച്ച ഡ്രസ്സ് കോഡ് ധരിക്കുന്നത് ഫോട്ടോസുകളിൽ നല്ല കോമ്പിനേഷൻ ആയിരിക്കും. വധു മിന്റ് ഗ്രീൻ പോലുള്ള പേസ്റ്റൽ ഷെയ്ഡുകൾ ആണ് തെരഞ്ഞെടുക്കുന്നതെങ്കിൽ സുഹൃത്തുക്കൾ നൈല്സ് പേസ്റ്റൽ ഷെയ്ഡുകൾ തിരഞ്ഞെടുക്കുന്നതാണ് നല്ലത്. ഡാർക്ക് പിങ്ക് ആണ് വധുവിന്റെ സാരി എങ്കിൽ സുഹൃത്തുക്കൾ ലൈറ്റ് പിങ്ക് വസ്ത്രങ്ങൾ ഡ്രസ്സ് കോഡ് ആയി തെരഞ്ഞെടുക്കുന്നത് വധുവിനെ ബ്രൈറ്റ് ആയി കാണാൻ സഹായിക്കും. ഓഫ് വൈറ്റോ കേരളസാരിയോ ആണ് വധുവിന്റെ വിവാഹവസ്ത്രമെങ്കിൽ പല നിറങ്ങളിലുള്ള പേസ്റ്റൽ ഷെയ്ഡുകൾ മറ്റുള്ളവർ തിരഞ്ഞെടുക്കുന്നതാവും ഉത്തമം.
വിവാഹത്തിന് മാത്രമല്ല മെഹന്ദി , ഹാൽദി പോലുള്ള പരിപാടികൾക്കും ഈ കോമ്പിനേഷൻ ഉപയോഗിക്കാവുന്നതാണ്. ഓരോ വിവാഹത്തിനും തിരഞ്ഞെടുക്കുന്ന വസ്ത്രത്തിന് ചെറുതല്ലാത്തൊരു പങ്കുണ്ട്. അതുകൊണ്ടുതന്നെയാണ് വിവാഹവസ്ത്രങ്ങൾക്ക് പൊന്നുംവില നൽകാൻ പലരും തയ്യാറാകുന്നത്. എന്നാൽ ഏത് നിറം തിരഞ്ഞെടുക്കണമെന്ന് പലരും ശ്രദ്ധിക്കാറില്ല. അത് ശ്രദ്ധിച്ചാൽ വിവാഹഫോട്ടോകളിൽ കൂടുതൽ മനോഹാരിത വരുത്താൻ സഹായിക്കും
