വിവാഹഫോട്ടോകൾ പോലെത്തന്നെ ഇന്ന് വളരെ ട്രെൻഡിങ്ങായതും മനോഹരമാക്കാൻ ആഗ്രഹിക്കുന്നതുമായ ഒന്നാണ് SAVE THE DATE photoshoot. ഇതിനായി നല്ല ലൊക്കേഷനുകൾ അന്വേഷിച്ച് നടക്കുന്നവരാണ് ഇന്നത്തെ യുവാക്കൾ. ട്രെഡീഷണൽ ഷൂട്ടിനായി പഴയ തറവാടുകളും ക്ഷേത്രപരിസരങ്ങളും തെരഞ്ഞെടുക്കുന്നത് മികച്ച തീരുമാനമായിരിക്കും. പ്രകൃതിഭംഗി നിറഞ്ഞ പശ്ചാത്തലങ്ങളും ചിത്രത്തിന്റെ ഭംഗി കൂട്ടും.
മൂന്നാർ മലനിരകൾ, കുമരകം കായൽപ്പരപ്പ്, വർക്കല/കോവളം ബീച്ച്, വാഗമൺ, പച്ചപ്പാർന്ന കുന്നുകൾ എന്നിവ SAVE THE DATE ഷൂട്ടിനായി തിരഞ്ഞെടുക്കാവുന്ന നല്ല സ്ഥലങ്ങളാണ്. മൂന്നാറിന്റെ തണുത്ത കാലാവസ്ഥയും തേയിലത്തോട്ടങ്ങളും മഞ്ഞ് മൂടിയ മലനിരകളും ഷൂട്ടിനെ മികച്ചതാക്കുന്നു. കുമരകം/ആലപ്പുഴ എന്നിവിടങ്ങളിലെ ബാക്ക് വാട്ടർ, ഹൗസ് ബോട്ട്, പച്ചപ്പാർന്ന തെങ്ങിൻതോപ്പുകൾ എന്നിവ ഷൂട്ടിനായി തിരഞ്ഞെടുക്കാവുന്നതാണ്. വർക്കലയിലെ പാറക്കെട്ടുകൾ, കോവളത്തെ ലൈറ്റ് ഹൗസ്, മനോഹരമായ സൂര്യാസ്തമയം എന്നിവ ചിത്രങ്ങൾക്ക് മികച്ച ദൃശ്യാനുഭവമൊരുക്കുന്നു. വാഗമണിലെ പൈൻ വനങ്ങളും പുൽമേടുകളുമാണ് SAVE THE DATE ഫോട്ടോഷൂട്ടിന് തെരഞ്ഞെടുക്കേണ്ടത്. ഫോർട്ട് കൊച്ചിയിൽ നിരവധി കൊളോണിയൽ ശൈലിയിലുള്ള കെട്ടിടങ്ങൾ, ചൈനീസ് വലകൾ എന്നിവയുണ്ട്. ഇവയും ഷൂട്ടിൽ ഉൾപ്പെടുത്താവുന്നതാണ്.
അതിരാവിലെയോ വൈകുന്നേരമോ ഷൂട്ടിംഗിനായി തിരഞ്ഞെടുക്കുന്നതും സൂര്യാസ്തമയം ഷൂട്ടിന് തിരഞ്ഞെടുക്കുന്നതും ചിത്രങ്ങളെ വളരെ ഭംഗിയുള്ളതാക്കാൻ സഹായിക്കുന്നു. ഷൂട്ടിനായി കുറഞ്ഞ തിരക്കുള്ള ലൊക്കേഷനുകൾ തിരഞ്ഞെടുക്കാൻ ശ്രമിക്കുക.