നവദമ്പതികൾക്കിടയിൽ ആരോഗ്യകരവും മാനസികവുമായ അടുപ്പം സൃഷ്ടിക്കാൻ വളർത്തുമൃഗത്തെ വാങ്ങുന്നത് മികച്ച തീരുമാനമായിരിക്കുമെന്നാണ് പഠനങ്ങൾ പറയുന്നത്. ഇതുവഴി ടീം വർക്ക് വളർത്തുന്നതിനും സമ്മർദ്ദ നില കുറയ്ക്കാനും സഹായിക്കുന്നു.
വളർത്തുമൃഗത്തെ സഹകരണത്തോടെ പരിപാലിക്കുന്നത് ദമ്പതികളുടെ ബന്ധം ശക്തിപ്പെടുത്തുകയും ഒരു ടീമായി മികച്ച രീതിയിൽ പ്രവർത്തിക്കാൻ അവരെ സഹായിക്കുകയും ചെയ്യും. വളർത്തുമൃഗങ്ങളെ ഒന്നിച്ച് വളർത്തുമ്പോൾ വാത്സല്യവും കളിയുമുള്ള ഒരു അന്തരീക്ഷം വളർത്തുകയും ഇതുവഴി സന്തോഷം നൽകുകയും ദമ്പതികൾക്കിടയിലുള്ള പിരിമുറുക്കം കുറയ്ക്കുകയും ചെയ്യുന്നു. വളർത്തു മൃഗങ്ങളെ സ്വന്തം കുഞ്ഞുങ്ങളെപോലെ പരിപാലിക്കുന്നതുവഴി ഉത്തരവാദിത്തങ്ങൾ പങ്കിടാനും മറ്റൊരു ജീവിയെ പരിപാലിക്കാനുള്ള കഴിവ് പരീക്ഷിക്കാൻ ദമ്പതികൾക്കിടയിൽ അവസരം നൽകുകയും ചെയ്യുന്നു. വളർത്തുമൃഗങ്ങൾക്ക് കൂടുതൽ വിശ്രമവും സന്തോഷവും നിറഞ്ഞ ഒരു വീടിന്റെ അന്തരീക്ഷം സൃഷ്ടിക്കാൻ കഴിയുമെന്നാണ് റിപ്പോർട്ടുകൾ പറയുന്നത്. ഇത് തിരക്കേറിയ ജോലി ജീവിതം കൈകാര്യം ചെയ്യുന്ന യുവ ദമ്പതികൾക്ക് കൂടുതൽ ശാന്തതയും സമാധാനവും നൽകാൻ സഹായിക്കുന്നു.
വളർത്തുമൃഗങ്ങൾക്ക് ഇത്രയേറെ ഗുണങ്ങളുണ്ടെങ്കിലും ഇണകളിൽ ഒരാൾക്ക് ഇഷമല്ലാത്തതോ ഉത്തരവാദിത്തങ്ങൾ തുല്യമായി പങ്കിടാതിരിക്കുകയോ ചെയ്താൽ വളർത്തുമൃഗങ്ങളെ വളർത്തുന്നത് പരസ്പരം കലഹത്തിനും കാരണമാകാൻ ഇടയുണ്ട്.
