ഏറെ തെറ്റിധാരണകൾ നിലനിൽക്കുന്ന ഒന്നാണ് വിവാഹവും വിവാഹജീവിതവും. വിവാഹത്തിൽ പൊരുത്തം നോക്കുന്നതിൽ തെറ്റില്ല എങ്കിലും10-ൽ 10 പൊരുത്തം ജാതകം ചേർന്നാലും ദാമ്പത്യം പരാജയപ്പെട്ടെന്ന് വരാം. ഭാര്യയും ഭർത്താവും തമ്മിൽ വഴക്കുകൾ ഉണ്ടാകാതിരിക്കുന്നത് ദൃഢമായ ബന്ധത്തിന്റെ ആടയാളമാണെന്ന് വിചാരിക്കുന്നത് തെറ്റാണ്. വഴക്കുകൾക്ക് ശേഷവും പിണക്കങ്ങൾ പറഞ്ഞ് തീർത്ത് നല്ല രീതിയിൽ മുന്നോട്ട് പോകുന്നതാണ് നല്ല ദാമ്പത്യം. മാത്രവുമല്ല, വഴക്കുകൾ ഉണ്ടാകുന്നത് ബന്ധത്തിന്റെ തകർച്ചയല്ല, മറിച്ച് ആശയവിനിമയത്തിന്റെ കുറവുകൊണ്ടാണ്.
വിവാഹത്തെ പറ്റിയുള്ള മറ്റൊരു തെറ്റിദ്ധാരണയാണ് വിവാഹം ജീവിതത്തിലെ എല്ലാ പ്രശ്നങ്ങളും പരിഹരിക്കുമെന്നത്. എന്നാൽ അത് തെറ്റാണ്. വിവാഹശേഷം പങ്കാളി മാറുമെന്ന് പ്രതീക്ഷിക്കുന്നതും അബദ്ധമാണ്. തങ്ങളുടെ പങ്കാളി പൂർണമായും തന്നെ മനസിലാക്കണമെന്ന് ആഗ്രഹിക്കുന്നതിൽ തെറ്റില്ല എങ്കിലും അതിനു വേണ്ടി വാശിപിടിക്കുന്നതും, മനസിലാക്കുന്നില്ല എന്നതിനെച്ചൊല്ലി കലഹങ്ങൾ ഉണ്ടാക്കുന്നതും ദാമ്പത്യജീവിതത്തിൽ പ്രശ്നങ്ങൾക്ക് കാരണമാകും.
ചുരുക്കത്തിൽ വിവാഹശേഷം ഒന്നിച്ച് ജീവിച്ച് ദാമ്പത്യം പരിപോഷിപ്പിക്കുകയാണ് വേണ്ടത് അല്ലാതെ മിഥ്യയായ സങ്കല്പങ്ങളെ മുറുകെ പിടിച്ച് പ്രശ്നങ്ങൾ സൃഷ്ടിക്കുകയല്ല.
