98-ാമത് ഓസ്കാർ പുരസ്കാരങ്ങൾ പ്രഖ്യാപിച്ചു. പോൾ തോമസ് ആൻഡേഴ്സൺ സംവിധാനം ചെയ്ത ‘വൺ ബാറ്റിൽ ആഫ്റ്റർ അനദർ’ ആണ് മികച്ച ചിത്രമായി തിരഞ്ഞെടുക്കപ്പെട്ടത്. കൂടാതെ, ‘സിന്നേഴ്സ്’ എന്ന ചിത്രത്തിലൂടെ ഓട്ടം ഡ്യൂറൾഡ് ആർകപോ മികച്ച ഛായാഗ്രഹണത്തിനുള്ള ഓസ്കാർ നേടുന്ന ആദ്യ വനിതയായി ചരിത്രം കുറിച്ചു.
മികച്ച ചിത്രം, മികച്ച സംവിധായകൻ, മികച്ച സഹനടൻ, അവലംബിത തിരക്കഥ, എഡിറ്റിങ്, മികച്ച കാസ്റ്റിങ് എന്നിങ്ങനെ ആറ് പുരസ്കാരങ്ങളാണ് വൺ ബാറ്റിൽ ആഫ്റ്റർ അനദർ എന്ന ചിത്രം നേടിയത്.
പ്രധാന പുരസ്കാരങ്ങൾ:
-> മികച്ച ചിത്രം: വൺ ബാറ്റിൽ ആഫ്റ്റർ അനദർ
-> മികച്ച നടൻ: മൈക്കൽ ബി. ജോർദാൻ (സിന്നേഴ്സ് )
-> മികച്ച നടി: ജെസ്സി ബക്ലി (ഹംനറ്റ് )
-> മികച്ച സംവിധായകൻ: പോൾ തോമസ് ആൻഡേഴ്സൺ (വൺ ബാറ്റിൽ ആഫ്റ്റർ അനദർ)
-> മികച്ച സഹനടൻ: ഷോൺ പെൻ (വൺ ബാറ്റിൽ ആഫ്റ്റർ അനദർ)
-> മികച്ച സഹനടി: എയ്മി മാഡിഗൺ (വെപ്പൺസ് )
2026-ലെ ഓസ്കാറിൽ ദക്ഷിണ കൊറിയൻ പശ്ചാത്തലത്തിലുള്ള ‘കെ-പോപ്പ് ഡെമൺ ഹണ്ടേഴ്സ്’ മികച്ച ആനിമേറ്റഡ് ചിത്രത്തിനുള്ള പുരസ്കാരം നേടി. ചിത്രത്തിലെ “ഗോൾഡൻ” എന്ന ഗാനം മികച്ച ഒറിജിനൽ സോംഗിനുള്ള ഓസ്കാറും സ്വന്തമാക്കി. ഇതിന്റെ സംവിധായിക മാഗി കാങ് ഈ വിഭാഗത്തിൽ പുരസ്കാരം നേടുന്ന ആദ്യ ഏഷ്യൻ വനിതയായി ചരിത്രം കുറിച്ചു.
ഇത്തവണത്തെ ഓസ്കാറിൽ ഉൾപ്പെടുത്തിയ പുതിയ വിഭാഗമായ ‘മികച്ച കാസ്റ്റിങ്’ പുരസ്കാരം ‘വൺ ബാറ്റിൽ ആഫ്റ്റർ അനദർ’ എന്ന ചിത്രത്തിലൂടെ കസാന്ദ്ര കുലുകുൻഡിസ് സ്വന്തമാക്കി.
