ലോഹാര്ദാഗ (ഝാര്ഖണ്ഡ്): സ്വകാര്യ റസിഡന്ഷ്യല് സ്കൂളിന്റെ പെണ്കുട്ടികളുടെ ഹോസ്റ്റലില് രാത്രിയില് കയറിയ വിഷപ്പാമ്പിന്റെ കടിയേറ്റ് 13 വയസുകാരി മരിച്ചു. മൂന്ന് വിദ്യാര്ഥിനികള് ഗുരുതരാവസ്ഥയില് ചികിത്സയിലാണ്. രാത്രി ലോഹാര്ദാഗ ജില്ലയിലെ റോച്ചോ മഹുവാട്ടോളിയിലെ സന്വസിറ ഹയര് സെക്കന്ഡറി റെസിഡന്ഷ്യല് സ്കൂളിലെ ഹോസ്റ്റലിലായിരുന്നു സംഭവം.
അത്താഴത്തിന് ശേഷം വിദ്യാര്ഥിനികള് ഉറങ്ങിക്കിടക്കുന്നതിനിടെ രാത്രി 11 മണിയോടെയാണ് ക്രൈറ്റ് (കെട്ടുവിരിയന് വിഭാഗത്തില്പ്പെട്ട അതിവിഷമുള്ള പാമ്പ്) ഹോസ്റ്റല് മുറിയില് കയറിയത്. ആദ്യം വര്ഷ ഓറോണ് (13) എന്ന വിദ്യാര്ഥിനിയെ പാമ്പ് കടിച്ചു. വേദനയോടെ കുട്ടി നിലവിളിച്ചതോടെ മറ്റ് വിദ്യാര്ഥിനികള് ഉണര്ന്നെങ്കിലും, ഇതിനിടെ അനിഷ ഓറോണ്, മനീഷ കുമാരി, ഫുല്മാനിയ ഓറോണ് എന്നിവരെയും പാമ്പ് കടിക്കുകയായിരുന്നു.
അധ്യാപകര് ഉടന് നാലുപേരെയും ലോഹാര്ദാഗ സദര് ആശുപത്രിയില് എത്തിച്ചെങ്കിലും, വര്ഷയെ ഡോക്ടര്മാര് മരിച്ചതായി പ്രഖ്യാപിച്ചു. ഗുരുതരാവസ്ഥയിലുള്ള ഫുല്മാനിയ ഓറോണിനെ വിദഗ്ധ ചികിത്സയ്ക്കായി റാഞ്ചിയിലെ രാജേന്ദ്ര ഇന്സ്റ്റിറ്റ്യൂട്ട് ഓഫ് മെഡിക്കല് സയന്സസിലേക്ക് മാറ്റി. മറ്റ് രണ്ട് വിദ്യാര്ഥിനികള് ലോഹാര്ദാഗ സദര് ആശുപത്രിയില് ചികിത്സയില് തുടരുകയാണെന്ന് അധികൃതര് അറിയിച്ചു.
സംഭവത്തില് അധികൃതര് അന്വേഷണം ആരംഭിച്ചിട്ടുണ്ട്. ഹോസ്റ്റല് പരിസരത്ത് പാമ്പ് എങ്ങനെ പ്രവേശിച്ചുവെന്നതടക്കമുള്ള കാര്യങ്ങള് പരിശോധിച്ചുവരികയാണ്.