ഇംഗ്ലണ്ട് : വനിതാ ക്രിക്കറ്റ് ലോകകപ്പ് ഇന്ത്യ ഇന്ന് വെസ്റ്റന്‍ഡീസിനെ നേരിടും. കഴിഞ്ഞ കളിയില്‍ ഇംഗ്ലണ്ടിനെതിരെ 35 റണ്‍സിന്റെ വിജയം നേടിയതിന്റെ പിന്‍ബലത്തിലാണ് ഇന്ത്യ ഇന്നിറങ്ങുക.
ടോസ് നഷ്ടപ്പെട്ട് ആദ്യം ബാറ്റുചെയ്ത ഇന്ത്യ നിശ്ചിത 50 ഓവറില്‍ മൂന്നു വിക്കറ്റ് നഷ്ടത്തില്‍ 281 റണ്‍സെടുത്തു. മറുപടി ബാറ്റിങ്ങിനിറങ്ങിയ ഇംഗ്ലണ്ട് 246 റണ്‍സിന് എല്ലാവരും പുറത്തായി.
വെസ്റ്റന്‍ഡീസാകട്ടെ കഴിഞ്ഞ കളിയില്‍ ഒരു റണ്‍സിനാണ് ഓസ്‌ട്രേലിയയോട് തോറ്റത്. 205 റണ്‍സ് വിജയലക്ഷ്യവുമായി ഇറങ്ങിയ അവര്‍ 204 റണ്‍സിന് എല്ലാവരും പുറത്തായി.
കഴിഞ്ഞ കളിയില്‍ അര്‍ദ്ധശതകം നേടിയ സ്മൃതി മന്ഥന , പൂനം റാവത്ത് , ക്യാപ്റ്റന്‍ മിഥാലി രാജ് എന്നിവരിലാണ് ഇന്ത്യയുടെ പ്രതീക്ഷ.
