ആലപ്പുഴ : ബസ് യാത്രക്കിടെ വീട്ടമ്മയുടെ മാല മോഷ്ടിച്ച സംഭവത്തില്‍ സ്ത്രീ പിടിയില്‍. തമിഴ്‌നാട് സ്വദേശിനി കാളിയമ്മയാണ് പിടിയിലായത്. ചേര്‍ത്തല സ്വകാര്യ ബസ് സ്റ്റാന്റിലായിരുന്നു സംഭവം.
വൈക്കം കുന്നത്തില്‍ കോളനി സ്വദേശി രാമകൃഷ്ണന്റെ ഭാര്യ പത്മിനിയുടെ മാലയാണ് കാളിയമ്മ മോഷ്ടിച്ചത്. വൈക്കത്ത് നിന്നും ചേര്‍ത്തലയിലേക്ക് വരുന്ന ബസില്‍ അടുത്തടുത്തായാണ് ഇവരുവരും ഇരുന്നിരുന്നത്. ചേര്‍ത്തലയില്‍ ബസ് ഇറങ്ങിയപ്പോഴാണ് മാല കാണാനില്ലെന്ന വിവരം പത്മിനി മനസ്സിലാക്കിയത്.
തുടര്‍ന്ന് മാല കാണാനില്ലെന്ന വിവരം മറ്റ് യാത്രക്കാരോട് പറഞ്ഞു. സംശയം തോന്നിയ യാത്രക്കാര്‍ കാളിയമ്മയെ പിടികൂടുകയായിരുന്നു. തുടര്‍ന്ന് പോലീസിനെ വിവരം അറിയിച്ചു. പോലീസ് എത്തി നടത്തിയ പരിശോധനയില്‍ കാളിയമ്മയുടെ ബാഗില്‍ നിന്നുമാണ് മാല കണ്ടെത്തിയത്.
POST YOUR COMMENTS
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക.