Kerala

മുത്തൂറ്റ് ഫിനാന്‍സിലെ തൊഴില്‍ തര്‍ക്കം; മൂന്നാംവട്ട ചര്‍ച്ച ആരംഭിച്ചു

കൊച്ചി: മുത്തൂറ്റ് ഫിനാന്‍സിലെ തൊഴില്‍ തര്‍ക്കം പരിഹരിക്കാനുള്ള മൂന്നാം വട്ട ചര്‍ച്ച ആരംഭിച്ചു. ഹൈക്കോടതി നിയോഗിച്ച മധ്യസ്ഥന്റേയും തൊഴില്‍ വകുപ്പ് അഡീഷണല്‍ ലേബര്‍ കമ്മീഷണറുടേയും സാന്നിദ്ധ്യത്തിലാണ് ചര്‍ച്ച.

മുത്തൂറ്റില്‍ നിന്നും പുറത്താക്കിയ ജീവനക്കാരെ തിരിച്ചെടുക്കണം എന്ന് ആവശ്യപ്പെട്ട് സി ഐ ടി യു യൂണിയന്‍ നേതൃത്വത്തില്‍ ഏറെ കാലമായി സമരത്തിലാണ്. ഹൈക്കോടതി നിയോഗിച്ച മദ്ധ്യസ്ഥന്റെ സാന്നിദ്ധ്യത്തില്‍ ഇക്കഴിഞ്ഞ പതിനാലാം തീയ്യതിയാണ് ആദ്യ ചര്‍ച്ച നടന്നത്. എന്നാല്‍ അത് പരാജയപ്പെട്ടതോടെ ജനുവരി 20 ന് വീണ്ടും ചര്‍ച്ച നടത്തിയിരുന്നു. ഈ ചര്‍ച്ചയും സമവായമാകാതെ പിരിഞ്ഞതോടെയാണ് ഇന്ന് വീണ്ടും ചര്‍ച്ച നടന്നത്.

ഹൈക്കോടതി മദ്ധ്യസ്ഥന്റെ നിര്‍ദ്ദേശാനുസരണമാണ് ഈ മാസം 29 ന് ഒരിക്കല്‍ കൂടി ഒത്തുതീര്‍പ്പ് ചര്‍ച്ച നടത്താന്‍ തീരുമാനിച്ചത്. 166 ജീവനക്കാരെയാണ് മുത്തൂറ്റ് പിരിച്ചുവിട്ടത്. അനാവശ്യ സമരങ്ങളാണ് ബ്രാഞ്ചുകള്‍ പൂട്ടാനിടയാക്കിയതെന്നും, അതുകൊണ്ട് ജീവനക്കാരെ കുറയ്ക്കുകയല്ലാതെ മാര്‍ഗ്ഗമില്ലെന്നുമായിരുന്നു മുത്തൂറ്റിന്റെ നിലപാട്.

52 Shares

Scroll down for comments

Post Your Comments

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ദ്ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, ജനംടിവിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..

Back to top button
Close