ലണ്ടന്‍: താന്‍ ഇനിയും ഏറെ ഗോളുകള്‍ അടിച്ചുകൂട്ടുമായിരുന്നുവെന്ന് മുന്‍ ഇംഗ്ലണ്ട് ഫുട്‌ബോള്‍ താരം വെയ്ന്‍ റൂണി. കളിക്കളത്തിലെ ചൂടന്‍ താരമാണ് തന്റെ അന്താരാഷ്‌ട്ര ഫുട്‌ബോള്‍ കാലഘട്ടത്തെ പരാമര്‍ശിച്ചത്. മാഞ്ചസ്റ്ററിനായി താന്‍ അടിച്ചുകൂട്ടിയ ഗോള്‍ മെസ്സിക്കും റൊണാള്‍ഡോക്കും മൂന്നു വര്‍ഷംകൊണ്ട് മറികടക്കാനാകുമെന്ന പ്രതീക്ഷയും റൂണി പങ്കുവച്ചു.
‘ താനാണ് അന്താരാഷ്‌ട്ര തലത്തില്‍ ഇംഗ്ലണ്ടിനായും ക്ലബ്ബായ മാഞ്ചസ്റ്റര്‍ യുണൈറ്റഡിനായും ഏറ്റവും അധികം ഗോളുകള്‍ നേടിയത്. എന്നാല്‍ താനൊരിക്കലും സ്വാഭാവിക ഗോളുകള്‍ നേടുന്ന താരമായിരുന്നില്ല. അവസരം ഉണ്ടാക്കിയെടുക്കാറാണ് പതിവ്. അതിനാല്‍ തന്നെ ഗ്യാരീ ലിനേക്കറുമായോ വാന്‍ നിസറ്റല്‍റൂയിയുമായോ താരതമ്യം ചെയ്യരുത് ‘ റൂണി പറഞ്ഞു.
മാഞ്ചസ്റ്റര്‍ യുണൈറ്റഡിനായി 253 ഗോളുകള്‍ നേടിയ റൂണി ദേശീയ ടീമിനായി 53 ഗോളുകളാണ് അടിച്ചുകൂട്ടിയത്. പലപ്പോഴും കളിക്കളത്തിലെ ക്ഷുഭിതയൗവ്വനമായി മാറിയ റൂണി അത്തരത്തിലാണ് കൂടുതല്‍ പ്രസിദ്ധിനേടി. തന്റെ 16-ാം വയസ്സില്‍ എവര്‍ട്ടണിലൂടെയാണ് റൂണിയുടെ രംഗപ്രവേശം. 2004ല്‍ ഓര്‍ഡ് ട്രാഫോഡിലേക്ക് ചേക്കേറിയ റൂണി ചുവപ്പ് ചെകുത്താന്മാരെന്ന് വിശേഷിപ്പിക്കുന്ന യുണൈറ്റഡിനായി 559 മത്സരങ്ങളില്‍ ബൂട്ടണിഞ്ഞു. നിലവില്‍ ഡെര്‍ബി കൗണ്ടിയുടെ പരിശീലകനാണ് റൂണി. മാഞ്ചസ്റ്റര്‍ യുണൈറ്റഡിന്റെ നിലവിലെ താരങ്ങളില്‍ റൂണിക്ക് പ്രതീക്ഷ ഹാരീ കെയിനിലാണ്.
