കോട്ടയം: പരീക്ഷ എഴുതാന്‍ അനുവദിക്കാത്തതിനെ തുടര്‍ന്ന് ആത്മഹത്യചെയ്ത അഞ്ചു ഷാജി ഹാള്‍ ടിക്കറ്റിന് പിന്നില്‍ കോപ്പി എഴുതിയെന്ന ഹോളി ക്രോസ് കോളേജിന്റെ അവകാശവാദം നിഷേധിച്ച് അഞ്ചുവിന്റെ പിതാവ്. അത് തന്റെ മകളുടെ കയ്യക്ഷരം അല്ലെന്നും ഹാള്‍ ടിക്കറ്റ് കാണിക്കണമെന്ന് കോളേജ് അധിക്യതരോട് ആവശ്യപ്പെട്ടിട്ടും അവര്‍ അത് തങ്ങളെ കാണിച്ചില്ലെന്നും ഷാജി പറയുന്നു. തന്റെ മകള്‍ കള്ളം കാണിക്കില്ലെന്നും ഹാള്‍ ടിക്കറ്റിന് പിന്നില്‍ കണ്ടത് കോളേജ് അധിക്യതര്‍ പിന്നീട് എഴുതി ചേര്‍ത്തതാണെന്നും ഷാജി വാര്‍ത്തസമ്മേളനത്തില്‍ പറഞ്ഞു.
പ്രിന്‍സിപ്പാളിന്റെ മൊബൈല്‍ നമ്പര്‍ ചോദിച്ചപ്പോള്‍ തരാന്‍ കഴിയില്ലെന്ന് പറഞ്ഞ അധ്യാപകനാണ് ഇന്നലെ പത്രസമ്മേളനം നടത്തിയത്. അദ്ദേഹം കോളേജിന്റെയോ പള്ളിയുടെയോ ആരും അല്ല.എസ് ഐയോടൊപ്പം രാത്രി 10 മണിക്കാണ് കോളേജില്‍ കയറി സിസിടിവി ദ്യശ്യങ്ങള്‍ കണ്ടത് അതില്‍ പേപ്പര്‍ തട്ടിപ്പറിക്കുന്ന ദ്യശ്യങ്ങള്‍ ഉണ്ടായിരുന്നു എന്നാല്‍ അതൊക്കെ നീക്കം ചെയ്താണ് കോളേജ് അധിക്യതര്‍ കഴിഞ്ഞ ദിവസം വാര്‍ത്ത സമ്മേളനത്തില്‍ തെളിവുകള്‍ പ്രദര്‍ശിപ്പിച്ചത്. പള്ളിയിലെ സിസിടിവി ദ്യശ്യങ്ങള്‍ എവിടെ എന്ന് ചോദിച്ചപ്പോള്‍ ക്യാമറകള്‍ കോടാണന്നാണ് അറിയിച്ചിരുന്നതെന്നും ഷാജി പറയുന്നു. അതാണ് ഇന്നലെ നടന്ന വാര്‍ത്ത സമ്മേളനത്തില്‍ കുട്ടി ഇറങ്ങിപ്പോകുന്നതായി കാണിച്ചതെന്നും പിതാവ് പറയുന്നു.
അതേസമയം പോലീസ് അന്വേഷണം കാര്യക്ഷമമായല്ല നടക്കുന്നതെന്നും പോലീസ് കോളേജിന് വേണ്ടിയാണ് പ്രവര്‍ത്തിക്കുന്നതെന്നും ഷാജി ആരോപിച്ചു.തന്റെ കുടുംബത്തിന് സര്‍ക്കാര്‍ നീതി ഉറപ്പാക്കണം. പ്രിന്‍സിപ്പാളിനെതിരെ നടപടി എടുക്കണം മന്ത്രിക്കും ഡിജിപിക്കും പരാതി നല്‍കിട്ടുണ്ടെന്നും ഷാജി പറഞ്ഞു. രാത്രി അച്ഛന്റെ അടുത്ത് അന്വേഷിക്കാന്‍ പോയപ്പോള്‍ ഏതെങ്കിലും ആണ്‍കുട്ടികളോടൊപ്പം പോയിട്ടുണ്ടാവുമെന്ന് പറഞ്ഞുവെന്നും അഞ്ചുവിന്റെ പിതാവ് പറയുന്നു. പരീക്ഷ എഴുതാന്‍ സമ്മതിച്ചില്ലെന്ന വിവരം കോളേജ് അധിക്യതര്‍ ഇതുവരെ പറഞ്ഞിട്ടില്ല.
