ബെല്‍ഗ്രേഡ് : ആദ്രിയ ടൂര്‍ണ്ണമെന്റ് നടത്തി ടെന്നീസ് താരങ്ങള്‍ക്ക് കൊറോണ പിടിപെട്ട സംഭവത്തില്ഡ ലോക ഒന്നാം നമ്പര്‍ താരം സെര്‍ഹിയയുടെ നൊവാക് ജോക്കോവിച്ച് മാപ്പ് പറഞ്ഞു. ജോക്കോവിച്ചും ഭാര്യയും അടക്കം അഞ്ച് പേര്‍ക്കാണ് കൊറോണ രോഗബാധ സ്ഥിരീകരിച്ചത്. തന്റെ ടെന്നീസ് ജീവിതത്തിന് കരുത്തുപകര്‍ന്ന ആദ്യകാല ടൂര്‍ണ്ണമെന്റിനെ ആദരിക്കാനാണ് ജോക്കോവിച്ച് ആദ്രിയ ടൂര്‍ ടെന്നീസ് മത്സരം സംഘടിപ്പിച്ചത്.
ജോക്കോവിച്ചിനെകൂടാതെ സെര്‍ബിയന്‍ താരം ത്രോയികി, ഗിഗര്‍ ദിമിത്രോവ്, ബോര്‍ണാ കോറിച്ച്, വിക്ടര്‍ ത്രിയോകി എന്നിവര്‍ക്കും കൊറോണ സ്ഥിരീകരിച്ചിട്ടുണ്ട്. എല്ലാവര്‍ക്കും ടൂര്‍ണ്ണമെന്റില്‍ നിന്നാണ് കൊറോണ പടിപെട്ടിരിക്കുന്നത്. മത്സരം സംഘടിപ്പിച്ചത് നല്ല ഉദ്ദേശത്തോട് കൂടിയായിരുന്നു. അതിന് പിന്നില്‍ യാതൊരു കച്ചവട താല്‍പ്പര്യങ്ങളും ഉണ്ടായിരുന്നില്ല. എല്ലാ ആരോഗ്യസുരക്ഷാ മാനദണ്ഡങ്ങളും പാലിച്ചിരുന്നു’ ജോക്കോവിച്ച് ആശുപത്രിയില്‍ നിന്നുള്ള ട്വിറ്റര്‍ സന്ദേശത്തില്‍ പറഞ്ഞു.
താരങ്ങള്‍ക്ക് കൊറോണ ബാധിച്ചതോടെ പൂര്‍ത്തിയാക്കാനുള്ള ആദ്രിയ മത്സരങ്ങളെല്ലാം റദ്ദാക്കിയതായി സംഘാടകര്‍ അറിയിച്ചു. ജോക്കോവിച്ചിന്റെ സഹോദരന്‍ ദ്രോഡ്‌ജേയാണ് മത്സരങ്ങളുടെ ഡയറക്ടര്‍ ചുമതല വഹിക്കുന്നത്. ലോക ടെന്നീസിന് ഈ സംഭവം ഒരു മുന്ന റിയിപ്പാണെന്ന് ബ്രിട്ടീഷ് താരം ആന്‍ഡീ മുറേ പറഞ്ഞു. അടുത്തമാസം യു.എസ്. ഓപ്പണ്‍ ന്യൂയോര്‍ക്കില്‍ നടത്തുമെന്ന് തീരുമാനത്തിനെതിരെ നിരവധി താരങ്ങള്‍ രംഗത്തുവന്നതിന് പുറകേയാണ് ജോക്കോവിച്ചിന് കൊറോണ ബാധിച്ചത്. നാലായിരത്തോളം ആരാധകര്‍ കളി കാണാന്‍ എത്തിയിരുന്നുവെന്നും ആദ്രിയാ സംഘാടകര്‍ പറഞ്ഞു.
