ഫോട്ടോഗ്രാഫി ജീവിതമാക്കിയ ഒരുപാട് പേരുണ്ട്. എന്നാല്‍ അവരെല്ലാം കൂടുതല്‍ ശ്രദ്ധിക്കുന്നതും ശ്രദ്ധിക്കപ്പെടുന്നതും ചിത്രങ്ങളിലൂടെയാണ്. ഒരുപാട് നല്ല ചിത്രങ്ങള്‍ തന്റെ ക്യാമറയിലൂടെ പകര്‍ത്തണം എന്നതാണ് ഓരോ ഫോട്ടോഗ്രാഫറുടേയും ആഗ്രഹം. എന്നാല്‍ കല്‍ക്കട്ടയിലെ 49 കാരനായ ഫോട്ടോഗ്രാഫര്‍ രവി ഹോങ്കലിന് ഫോട്ടോഗ്രാഫിയുള്ള ആഗ്രഹം അതിലും അപ്പുറമാണ്. കല്‍ക്കട്ടയിലെ ശാസ്ത്രി നഗറിലെ ബെലഗവിയില്‍ അദ്ദേഹം നിര്‍മ്മിച്ച വീട് ആരും ഒന്നു നോക്കിപ്പോകും. അതിന് പ്രധാന കാരണം ഹോങ്കലിന് ഫോട്ടോഗ്രാഫിയോടുളള ആത്മബന്ധം തന്നെ. ഹോങ്കല്‍ തന്റെ വീട് നിര്‍മ്മിച്ചിരിക്കുന്നത് ക്യാമറയുടെ ആകൃതിയിലാണ്.
രണ്ട് വര്‍ഷമെടുത്ത് പൂര്‍ത്തിയാക്കിയ വീടിന്റെ നിര്‍മാണ ചിലവ് 71 ലക്ഷം രൂപയാണ്. ആര്‍ക്കും കൗതുകം തോന്നുന്ന ഈ വീടിന്റെ ആദ്യത്തെ നില എപ്‌സണ്‍(epson) പ്രിന്റിന്റെ ആകൃതിയിലാണ് നിര്‍മിച്ചിട്ടുള്ളത്. രണ്ടാമത്തെ നിലയും അതിനോട് ചേര്‍ന്നുള്ള ജനാലയും നിക്കോണ്‍(nilkon) ക്യാമറയുടെ ആകൃതിയിലാണ്. ജനാല നിര്‍മ്മിച്ചിരിക്കുന്നത് ക്യാമറയുടെ ലെന്‍സിന്റെ ആകൃതിയിലാണ്. മൂന്നാമത്തെ നിലയിലെ മുറിയും അതിലെ ജനാലയും കാനോൻ(kanon) ആകൃതിയില്‍ ആണുള്ളത് വീടിന്റെ ഏറ്റവും മുകളിലെ ചുമരില്‍ വീടിന്റെ പേര് ക്ലിക്ക്(click) എന്ന് പതിച്ചിട്ടുണ്ട്.
ഇതുമാത്രമല്ല തന്റെ മൂന്ന് ആണ്‍ മക്കളുടേയും പേര് കേനന്‍, നിക്കോണ്‍, എപ്‌സണ്‍ എന്നിങ്ങനെയാണ്. ജീവിതം മുഴുവന്‍ നീണ്ടുനില്‍ക്കുന്ന ഫോട്ടോഗ്രാഫിയോടുള്ള അടങ്ങാത്ത അഭിനിവേശമാണ് ഇതിന്റെ കാരണം. ചെറുപ്പത്തില്‍ തന്നെ ഫോട്ടോഗ്രാഫിയോട് താല്‍പര്യം തോന്നിയിരുന്ന രവി ഹോങ്കലിന് പ്രചോദനമായത് ജേഷ്ഠന്‍ പ്രകാശാണ്. പത്താം ക്ലാസ് കഴിഞ്ഞപ്പോള്‍ തന്റെ വഴി ഇതാണെന്ന് ഹോങ്കല്‍ തിരിച്ചറിയുകയും അതിനായി പരിശ്രമിക്കുകയും ചെയ്തു. ഒരു പാട് നല്ല ചിത്രങ്ങള്‍ക്ക് ജീവന്‍ നല്‍കിയ ഈ ഫോട്ടോഗ്രാഫറുടെ വീടും ഇപ്പോൾ സോഷ്യൽ മീഡിയയിൽ ക്ലിക്കായി കഴിഞ്ഞു .
