ത്രില്ലറുകളുടെ രാജ്ഞി അഗത ക്രിസ്റ്റി

ഇംഗ്ലീഷ് എഴുത്തുകാരിയായ അഗത ക്രിസ്റ്റിയെ ലോകം അറിയുന്നത് അവരുടെ എക്കാലത്തെയും മികച്ച അറുപത്തിയാറു ഡിറ്റക്റ്റീവ് നോവലുകളിലൂടെയും പതിനാലു ചെറുകഥകളിലൂടെയുമാണ് . എക്കാലത്തെയും മികച്ച വില്പനയുള്ള ഫിക്ഷൻ ബുക്കുകളുടെ എഴുത്തുകാരിയായാണ് ഗിന്നസ്സ് ബുക്ക് ഓഫ് വേൾഡ് റെക്കോർഡ്‌സ് അവരെ ഉൾപ്പെടുത്തിയിരിക്കുന്നത് . ഇംഗ്ലീഷിലും മറ്റ് ഭാഷകളിലുമായി അവരുടെ പുസ്തകങ്ങൾ ഏകദേശം രണ്ടു മില്യൺ കോപ്പികൾക്കടുത്തു വിറ്റു പോയിട്ടുണ്ട് .

സാമ്പത്തികമായി ഉയർന്ന കുടുംബത്തിലെ മൂന്നാമത്തെ കുട്ടിയായിട്ടാണ് അഗത ക്രിസ്റ്റീ ജനിച്ചത് . സന്തോഷകരമായ കുട്ടിക്കാലമായിരുന്നു അഗതയുടേത് . അഗതയുടെ വിദ്യാഭ്യാസ കാലത്തിന്റെ ഭൂരിഭാഗവും വീട്ടിൽ തന്നെയായിരുന്നു . കുട്ടികാലം മുതലേ വായന വളരെയധികം ഇഷ്ടപ്പെട്ടിരുന്ന വ്യക്തി കൂടിയാണ് അഗത ക്രിസ്റ്റീ . പത്തു വയസുള്ളപ്പോഴാണ് അഗത ക്രിസ്റ്റീ ആദ്യമായി കവിത എഴുതിയത് .

പിതാവിന്റെ മരണത്തോടെ അഗതയുടെ ജീവിതത്തിൽ ഒരുപാട് മാറ്റങ്ങൾ സംഭവിച്ചു . അമ്മയോടൊപ്പം തനിയെ ജീവിച്ചിരുന്ന അഗത ഉന്നത വിദ്യാഭ്യാസത്തിനായി പാരീസിലേക്ക് പോയി . വിദ്യാഭ്യാസത്തിന് ശേഷം തിരിച്ചു വന്ന അഗത കുറച്ചുകാലം ഈജിപ്റ്റിലായിരുന്നു . ഇംഗ്ലണ്ടിലേക്ക് തിരികെയെത്തിയ അഗത ആദ്യമായി കഥ എഴുതിയത് പത്തൊൻപതാമത്തെ വയസ്സിലായിരുന്നു . ആദ്യമൊക്കെ അഗതയുടെ എല്ലാ കൃതികളും പ്രസാധകരാൽ തിരസ്കരിക്കപ്പെടുകയായിരുന്നു .

ആദ്യ ലോക മഹായുദ്ധകാലത്ത് വിവാഹിതയായ അഗതയും ഭർത്താവും രാജ്യത്തിന് വേണ്ടി കുറേക്കാലം പട്ടാളത്തിൽ സേവനമനുഷ്ഠിച്ചു . പട്ടാളത്തിൽ നഴ്‌സായും , മരുന്ന് കൊടുക്കുന്നിടത്തും ജോലി ചെയ്തിരുന്നതിനാൽ , മരുന്നുകളുടെ ഫലങ്ങളും ദൂഷ്യവശങ്ങളും അഗതക്കു മനഃപാഠമായിരുന്നു . പിൽക്കാലത്തു തന്റെ കഥകളിൽ അവയൊക്കെ സ്ഥാനം പിടിക്കുകയും ചെയ്തു .

ഡിറ്റക്റ്റീവ് നോവലുകളുടെ ആരാധിക ആയിരുന്ന അഗത ക്രിസ്റ്റി ആദ്യമായി ഒരു ത്രില്ലെർ എഴുതിയത് 1916 ലാണ് . “ദി മിസ്റ്ററീസ് അഫയർ അറ്റ് സ്റ്റൈൽസ് ” എന്ന് പേര് നൽകിയിരുന്ന പുസ്തകം വിപണി കീഴടക്കുകയായിരുന്നു . പിന്നീട് അങ്ങോട്ടുള്ള അവരുടെ നോവലുകൾ എല്ലാം തന്നെ വൻ വിജയമായിരുന്നു . അവരുടെ എല്ലാ കഥകളിലെയും പ്രധാന കഥാപാത്രങ്ങൾഎപ്പോഴും ഹെർക്യൂൾ പൊയ്‌റോട്ടും മിസ്സ് മേപ്പിളും ആയിരുന്നു .

ആദ്യ വിവാഹ ബന്ധം വേർപെടുത്തിയ അഗത കുറേക്കാലം സമൂഹത്തിൽ നിന്ന് ഒളിച്ചു താമസിച്ചു . വാർത്തലോകം ഏറെ ചർച്ച ചെയ്യപ്പെട്ട തിരോധാനത്തിന് അന്ത്യം കുറിച്ചത് ദക്ഷിണ ആഫ്രിക്കയിലെ ഒരു ഹോട്ടലിൽ അവരെ കണ്ടെത്തിയപ്പോഴായിരുന്നു . 1930 ൽ അഗത ക്രിസ്റ്റീ വീണ്ടും വിവാഹിതയായി . ആദ്യ വിവാഹത്തിലെ മകളുടെ സംരക്ഷണ ചുമതല അഗത ക്രിസ്റ്റിക്കായിരുന്നു .

എൺപത്തഞ്ചു വയസ്സുള്ളപ്പോൾ അഗത ക്രിസ്റ്റി നിര്യാതയായി . മർഡർ ഓൺ ദി ഓറിയന്റ് എക്സ്പ്രസ്സ് , ദി എ ബി സി മർഡർസ് , ഫൈവ് ലിറ്റിൽ പിഗ്സ് , എ മർഡർ ഈസ് അന്നൗൻസ്ഡ് തുടങ്ങിയവയാണ് അഗത ക്രിസ്റ്റിയുടെ പ്രശസ്തമായ നോവലുകളിൽ ചിലത്. അഗത ക്രിസ്റ്റിയുടെ എഴുത്തുകൾക്കുള്ള പകർപ്പവകാശം അഗത ക്രിസ്റ്റി ലിമിറ്റഡിനാണ് .