അയോദ്ധ്യ വിധിയിൽ സുപ്രീം കോടതിയേയും, രാജ്യത്തെ നീതിന്യായ വ്യവസ്ഥയേയും അപമാനിച്ച് ഉറുദു കവി മുനവർ റാണ

ന്യൂഡൽഹി : രാജ്യത്തെ നീതിന്യായ വ്യവസ്ഥയേയും , സുപ്രീം കോടതി മുൻ ചീഫ് ജസ്റ്റിസ് രഞ്ജൻ ഗോഗോയേയും അപമാനിച്ച് ഉറുദു കവി മുനവർ റാണ . അയോദ്ധ്യയിലെ രാമജന്മഭൂമിയിൽ  രാമക്ഷേത്രം നിർമ്മിക്കാൻ ഉത്തരവിട്ട   സുപ്രീം കോടതി വിധിയെ അപഹാസ്യപ്പെടുത്തും വിധം  നിന്ദ്യമായിട്ടായിരുന്നു റാണയുടെ പരാമർശം.

‘ ഇന്ത്യയിൽ ശരീരം വിൽക്കുന്നവർ  രഞ്ജൻ ഗോഗോയിയേക്കാൾ നല്ല വില വാങ്ങും.  ഒരു കോടതിയ്‌ക്ക് കേവലം  ഒരു വിധി മാത്രമേ നൽകാൻ പറ്റൂ , അത് നീതിയല്ല, രാമജന്മഭൂമിയുടെ കാര്യത്തിലെന്നപോലെ. ആ ഭൂമിയിൽ  സുപ്രീം കോടതി രാമക്ഷേത്രം നിർമ്മിക്കാൻ തീരുമാനിച്ചു, അത് ഏത് തെളിവിന്റെ അടിസ്ഥാനത്തിലാണ് . അത് അംഗീകരിക്കാനാവില്ല . ആ തീരുമാനമെടുത്തവരെ ഇപ്പോൾ രാജ്യസഭാ എംപിയുമാക്കി ‘ ഇത്തരത്തിലായിരുന്നു റാണയുടെ പ്രസ്താവന.

ന്യൂസ് നേഷന് നൽകിയ അഭിമുഖത്തിലായിരുന്നു കവി മുൻ ചീഫ് ജസ്റ്റിസിനെതിരെ അങ്ങേയറ്റം നിന്ദ്യമായ പരാമർശങ്ങൾ നടത്തിയത്. രാജ്യത്തെ നീതിന്യായ വ്യവസ്ഥയെ പോലും അപമാനിച്ച റാണയ്‌ക്കെതിരെ കേസ് എടുക്കണമെന്ന ആവശ്യവുമായി ബിജെപി രംഗത്ത് വന്നിട്ടുണ്ട്.