തൊണ്ട വേദന അകറ്റാൻ വീട്ടിൽ തന്നെ മരുന്നുണ്ട് …

പലകാരണങ്ങൾ കൊണ്ട് ഇടയ്‌ക്കൊക്കെ നമ്മൾ നേരിടുന്ന പ്രശ്നങ്ങൾ ആണ് തൊണ്ട വേദന , ജലദോഷം , ചുമ , തുമ്മൽ എന്നിവ . ഇതുണ്ടാക്കുന്ന അസ്വസ്ഥ പലപ്പോഴും നമ്മുടെ ദിനചര്യകൾ തന്നെ താറുമാറാക്കി കളയും . ഇത്തരം അവസരത്തിൽ ഇംഗ്ലീഷ് മരുന്നുകളുടെ പിന്നാലെ പോകുന്നതിനു മുൻപായി വീട്ടിൽ തന്നെ ചെയ്യാവുന്ന ചില പൊടികൈകൾ ചുവടെ ചേർക്കുന്നു .

തൊണ്ട വേദനക്ക് എല്ലാവരും ആദ്യം തന്നെ ചെയ്യുന്ന ഒന്നാണ് ഉപ്പു വെള്ളം കവിൾ കൊള്ളുക എന്നത് . ഉപ്പു വെള്ളം കവിൾ കൊള്ളുമ്പോൾ , തൊണ്ട വേദനക്ക് കാരണമാകുന്ന ബാക്റ്റീരിയയെ നശിപ്പിക്കുകയും വേദനക്ക് ശമനവും ആശ്വാസവും നൽകുകയും ചെയ്യുന്നു

തേനിന് തൊണ്ടയിൽ ഉണ്ടാകുന്ന വീക്കം ശമിപ്പിക്കുവാനും അണുനശീകരണ സ്വഭാവം ഉള്ളതിനാലും , ചെറു ചൂട് വെള്ളത്തിൽ തേൻ കലർത്തി തൊണ്ട വേദനക്ക് ശമനം ഉണ്ടാകുന്നത് വരെ ദിനവും അഞ്ചു തവണയെങ്കിലും ഈ മിശ്രിതം കുടിക്കുന്നത് ഫലം ചെയ്യും .

കാമോമില്ല എന്നറിയപ്പെടുന്ന വെളുത്ത പൂക്കളുണ്ടാകുന്ന ഒരു തരം ജമന്തി പൂവിന് ശരീര വീക്കം തടയുക , ആന്റിഓക്സിഡന്റ് എന്നീ ഔഷധ ഗുണങ്ങൾ ഉള്ളതിനാൽ ഇവ ഇട്ടു തിളപ്പിച്ച ചായ കുടിക്കുന്നത് തൊണ്ടക്ക് നൊമ്പരം , ചുമ , തുമ്മൽ , ജലദോഷം എന്നിവ മാറാൻ നല്ലതാണ് .

നാരങ്ങയിൽ വിറ്റാമിൻ സി അടങ്ങിയിരിക്കുന്നതിനാൽ കഫം ഇളകി പോകാൻ സഹായിക്കുകയും രോഗപ്രതിരോധ ശക്തി വർദ്ധിപ്പിക്കുകയും ചെയ്യും . അതിനാൽ ചെറു ചൂട് വെള്ളത്തിൽ നാരങ്ങ നീര് പിഴിഞ്ഞ് ചേർത്ത് കഴിക്കുന്നത് തൊണ്ട വേദന , ജലദോഷം , കഫക്കെട്ട് എന്നിവ മാറാൻ നല്ലൊരു ഔഷധമാണ് .

ബേക്കിംഗ് സോഡയും തൊണ്ട വേദന ശമിപ്പിക്കാൻ നാലൊരു ഒറ്റമൂലിയാണ് . തൊണ്ട വേദനക്ക് കാരണമായേക്കാവുന്ന ഫങ്കസ് , ബാക്ടീരിയ എന്നിവ പെരുകുന്നത് തടയാൻ സഹായിക്കുകയും തന്മൂലം രോഗം മൂർച്ഛിക്കുന്നതിൽ നിന്ന് തടയുകയും ചെയ്യും . സ്വല്പം ഉപ്പ് , കാൽ ടീസ്പൂൺ ബേക്കിംഗ് സോഡ , വെള്ളം എന്നിവ കൽക്കി മിശ്രിതം ഉണ്ടാക്കി മൂന്ന് മണിക്കൂർ ഇടവിട്ട് കവിൾ കൊള്ളുന്നത് തൊണ്ട വേദനക്ക് ശമനം ഉണ്ടാക്കുന്നതാണ് .

മേൽ പറഞ്ഞ പൊടികൈകൾ പ്രയോഗിച്ചു നോക്കിയിട്ടും തൊണ്ടവേദനക്ക് ശമനം ഇല്ലായെങ്കിൽ തീർച്ചയായും ഡോക്ടറുടെ സേവനം തേടേണ്ടത് അത്യാവശ്യമാണ് .