കഫക്കെട്ട് മൂലം ഉണ്ടാകുന്ന ചുമ കാരണം പലര്ക്കും ഉറങ്ങാന് സാധിക്കാറില്ല. രാത്രി കാലങ്ങളിലാണ് ചുമ കൂടുതലാവുക. നെഞ്ചില് കഫം കെട്ടി കിടക്കുന്നതിനാല് ചുമയ്ക്കുമ്പോള് നെഞ്ചില് അതിശക്തമായ വേദനയും അസ്വസ്ഥതയും അനുഭവപ്പെടുന്നു. എന്നാല് ഇതിനെ ഇല്ലാതാക്കാന് കോഴിമുട്ട കൊണ്ടൊരു ഒറ്റമൂലി എളുപ്പം ഉണ്ടാക്കിയെടുക്കാം. അതിനായി ഒരു കോഴിമുട്ട എടുത്ത് അത് ചെറുതായി വാട്ടിയെടുക്കുക. ഒരു മിനിറ്റില് കൂടുതല് വേവിയ്ക്കാന് പാടില്ല കാരണം മുട്ട ഒരിക്കലും ഉറച്ചു പോകരുത് വാട്ടിയെടുക്കാനേ പാടുളളൂ.
മുട്ട വാട്ടിയെടുത്ത് മുട്ടയുടെ മുകള് ഭാഗത്തെ തോട് പൊളിച്ച ശേഷം ഒരു പച്ച ഈര്ക്കിലോ ഫോര്ക്കോ കൊണ്ട് നന്നായി ഇളക്കുക. മഞ്ഞയും വെള്ളയും നന്നായി ഇളക്കി യോജിപ്പിക്കുക. ഇതിലേക്ക് കാല് ടീസ്പൂണ് കുരുമുളക് പൊടിച്ചത് ഇട്ട് നന്നായി യോജിപ്പിക്കുക. അതിനു ശേഷം അതിലേയ്ക്ക് കാല് ടീസ്പൂണ് ചുക്കുപൊടിയും ജീരക പൊടിയും കൂടി ചേര്ത്ത് നന്നായി ഇളക്കി യോജിപ്പിക്കുക. ഈ മൂന്നു ചേരുവകളും ഓരോന്നായി ഇട്ട് യോജിപ്പിച്ചതിനു ശേഷം രാവിലെയും വൈകുന്നേരവും കഴിക്കുക.
രാവിലെ വെറും വയറ്റിലും വൈകുന്നേരം ആഹാരത്തിന് അരമണിക്കൂര് മുന്പുമാണ് ഈ ഒറ്റമൂലി കഴിക്കേണ്ടത്. ഇതു കഴിച്ച ശേഷം മാത്രമേ ഭക്ഷണം കഴിക്കാന് പാടുള്ളൂ. രണ്ടു ദിവസവും ഇങ്ങനെ തുടര്ച്ചയായി ചെയ്താല് കഫക്കെട്ട് പെട്ടെന്ന് ഇല്ലാതാകുന്നു. നെഞ്ചില് കെട്ടി കിടക്കുന്ന കഫം അലിഞ്ഞ് ഇല്ലാതാകുന്നതു മൂലം എത്ര ശക്തമായ ചുമയും മാറ്റാവുന്നതാണ്. കുട്ടികള്ക്കും മുതിര്ന്നവര്ക്കും ഒരുപോലെ കഴിക്കാവുന്ന ഈ ഒറ്റമൂലി ആരോഗ്യത്തിന് ഏറെ ഗുണകരമാണ്. നാടന് മുട്ടയാണ് ഇതിനായി ഉപയോഗിക്കുന്നതെങ്കില് കൂടുതല് നന്നായിരിക്കും.
