മുഖത്ത് ചെറിയൊരു മങ്ങലേറ്റാല്‍ പെണ്‍കുട്ടികള്‍ക്ക് ടെന്‍ഷനാണ്. പ്രായം കൂടുന്നതിനനുസരിച്ച് മുഖത്തിന് തിളക്കം കുറയുന്നുണ്ടോ എന്നാണ് മിക്ക പെണ്‍കുട്ടികളുടെയും സംശയം. അതുകൊണ്ടു തന്നെ ബ്യൂട്ടി പാര്‍ലറുകളിലും മറ്റും പോയി നിരവധി ഫേസ്പാക്കുകള്‍ ഉപയോഗിക്കുന്നത് പതിവാണ്. എന്നാല്‍ ഇതില്‍ പലതും നമ്മുടെ മുഖത്തിന് വിപരീത ഫലമാണ് ചെയ്യുക. എന്നാല്‍ ഒരു തരത്തിലുളള പാര്‍ശ്വഫലങ്ങളും ഇല്ലാത്ത ഫെയ്‌സ് പാക്ക് വീട്ടില്‍ തന്നെ തയ്യാറാക്കാം. ഇതിനായി ആദ്യം സ്‌ക്രബ് തയ്യാറാക്കാം. ഇതിനു വേണ്ടി ഒരു സ്പൂണ്‍ കാപ്പിപ്പൊടി, ഒരു സ്പൂണ്‍ പഞ്ചസാര, ഒരു ചെറുനാരങ്ങയുടെ നീര് എന്നിവ ചേര്‍ത്ത് നന്നായി മിക്‌സ് ചെയ്യുക.
ശേഷം ഈ സ്‌ക്രബ് ഒരു മിനിറ്റ് മുഖത്തു തേച്ചു പിടിപ്പിക്കുക. പിന്നീട് നല്ല തണുത്ത വെള്ളത്തില്‍ കഴുകി കളയുക. മുഖത്തെ ഈര്‍പ്പം ഒപ്പിയെടുത്ത ശേഷം മുഖം നന്നായി ആവി കൊള്ളിക്കുക. അതിനു ശേഷം പാക്ക് തയ്യാറാക്കി ഉപയോഗിക്കാം. ഇതിനായി ഒരു സ്പൂണ്‍ കടലമാവ്, ഒരു സ്പൂണ്‍ തൈര്, ഒരു സ്പൂണ്‍ കാപ്പിപൊടി എന്നിവ ചേര്‍ത്ത് നന്നായി മിക്‌സ് ചെയ്ത് എടുക്കുക. കണ്ണിനു താഴെ ഉപയോഗിക്കാനായി ഒരു സ്പൂണ്‍ കാപ്പി പൊടിയും ഒരു സ്പൂണ്‍ പാലും ചേര്‍ത്ത് മിക്‌സ് ഉണ്ടാക്കാം. ആവി കൊണ്ട ശേഷം മുഖം നന്നായി തുടച്ച് കണ്ണിനു താഴെ ആ മിക്‌സ് ഉപയോഗിക്കാം.
അതിനു ശേഷം മുഖത്ത് മറ്റുള്ള ഭാഗങ്ങളില്‍ എല്ലാം തന്നെ നേരത്തെ തയ്യാറാക്കിയ ഫേസ് പാക്ക് ഉപയോഗിക്കുക. മുഖത്തെ പാക്ക് ഡ്രൈ ആവുന്നതിന് അനുസരിച്ച് വെളളം നനച്ച് മസാജ് ചെയ്തു കൊടുക്കണം. ഇരുപത് മിനിറ്റിനു ശേഷം പൂര്‍ണമായും കഴുകി കളയാം. ഇതോടെ മുഖത്തിന് നല്ല തിളക്കം ലഭിക്കും. ഒരു തരത്തിലുള്ള വിപരീതഫലങ്ങളും ഉണ്ടാകില്ല. ഒന്നോ രണ്ടോ തവണ ഇങ്ങനെ ചെയ്താല്‍ മുഖത്തിന് തിളക്കം കൂടുകയും ചുളിവുകള്‍ അനുഭവപ്പെടുന്നത് ഇല്ലാതാവുകയും ചെയ്യുന്നു. അരമണിക്കൂര്‍ കൊണ്ട് എല്ലാവര്‍ക്കും വീട്ടില്‍ എളുപ്പം പരീക്ഷിക്കാവുന്ന ഒരു ഫെയ്‌സ് പാക്ക് ആണിത്. ഇനി മുഖസൗന്ദര്യം കൂട്ടാന്‍ ബ്യൂട്ടിപാര്‍ലറുകള്‍ കയറിയിറങ്ങേണ്ട ആവശ്യമില്ല.
Comments