‘താന്‍ വല്ല മന്ത്രിയോ പ്രതിപക്ഷ നേതാവോ ആണോ?’ കോലം കത്തിച്ചതിനോട് പ്രതികരിച്ച് കങ്കണ

മുംബൈ: തന്റെ കോലം കത്തിച്ച് പ്രതിഷേധിച്ച കോണ്‍ഗ്രസ്സിനോട് ചോദ്യങ്ങളുമായി നടി കങ്കണ റണാവത്. പഞ്ചാബിലും മുംബൈയിലും കോലം കത്തിച്ച നടത്തുന്ന പ്രതിഷേധത്തിനോടാണ് കങ്കണ പ്രതികരിച്ചത്. താന്‍ വല്ല മന്ത്രിയോ പ്രതിപക്ഷ നേതാവോ ആണോ? പിന്നെന്തിനാണ് തനിക്കെതിരെ ഇത്തരം പ്രതിഷേധം നടത്തുന്നതെന്നാണ് കങ്കണയുടെ സംശയം.

First congress in Maharashtra threatened me and beat my posters with chappals now congress in Punjab burning my effigies, seems like a clear case of mistaken identity. Am I some minister or a great opposition leader? Who they think I am? This is rather flattering 😂 @INCIndia https://t.co/uHEAPRN6l0

— Kangana Ranaut (@KanganaTeam) September 23, 2020

കര്‍ഷകരെ ഭീകരരായി ചിത്രീകരിച്ചെന്നാരോപിച്ചാണ് പഞ്ചാബില്‍ കങ്കണക്കെതിരെ കോണ്‍ഗ്രസ്സ് നേതൃത്വം തെരുവിലിറങ്ങിയത്. ആദ്യം മഹാരാഷ്‌ട്രയിലെ കോണ്‍ഗ്രസ്സാണ് തനിക്കെതിരെ പ്രതിഷേധിച്ചത്. തന്റെ ചിത്രത്തില്‍ ചെരുപ്പുകൊണ്ട് അടിച്ചും കോലംകത്തിച്ചുമാണ് പ്രതികരിച്ചത്. ഇന്നിതാ പഞ്ചാബിലും കോണ്‍ഗ്രസ്സ് പാര്‍ട്ടി ഇറങ്ങിയിരിക്കുകയാണെന്നും കങ്കണ പറഞ്ഞു.

ദേശസുരക്ഷയെ ബാധിക്കുന്ന തരത്തില്‍ പൗരത്വബില്ലിനെതിരെ രംഗത്തിറങ്ങിയവര്‍ തന്നെയാണ് കര്‍ഷക ബില്ലിനെതിരേയും രാജ്യത്തെ തെറ്റിദ്ധരിപ്പിക്കാന്‍ നോക്കുന്നത്. അവര്‍ തന്നെയാണ് രാജ്യത്ത് ഭീകരത വളര്‍ത്തുന്നതെന്നാണ് കങ്കണ ട്വിറ്ററില്‍ കുറിച്ചത്. എന്നാല്‍ കര്‍ഷകരെ ഭീകരരായി ചിത്രീകരിച്ചു എന്ന് പറഞ്ഞാണ് കോണ്‍ഗ്രസ്സ് പഞ്ചാബില്‍ പ്രതിഷേധം നടത്തിയത്. കേന്ദ്രസര്‍ക്കാറിനെതിരെ തുടങ്ങിയ പ്രക്ഷോഭം കങ്കണക്കെതിരേയും കോണ്‍ഗ്രസ്സ് നടത്തി.