ന്യൂഡൽഹി : ബോളിവുഡ് താരം ദീപിക പദുകോണ് , ജാക്വിലിന് ഫെര്ണാണ്ടസ് എന്നിവരുടെ പേരിൽ ദേശീയ ഗ്രാമീണ തൊഴിലുറപ്പ് കാർഡ് . മദ്ധ്യപ്രദേശിലെ ഖാര്ഗോണ് ജില്ലയിലാണ് സംഭവം . ഇരുവരുടെയും ഫോട്ടോ പതിച്ച തൊഴിലുറപ്പ് കാര്ഡാണ് രജിസ്റ്റര് ചെയ്തിരിക്കുന്നത്. മദ്ധ്യപ്രദേശില് സോനു ശാന്തിലാല് എന്ന പേരിലുള്ള കാര്ഡിലാണ് ദീപികയുടെ ചിത്രം ഉള്ളത്
ജൂണ്, ജൂലൈ മാസങ്ങളില് ഇവര് കൂലിയും വാങ്ങിയതായും റിപ്പോര്ട്ടുകളുണ്ട്. ഇത്തരം വ്യാജകാര്ഡുകള് വഴി ലക്ഷക്കണക്കിന് രൂപ നഷ്ടപ്പെട്ടതായി ജില്ലാഭരണകൂടം പറയുന്നു. കാര്ഡിലെ വിവരങ്ങളുടെ അടിസ്ഥാനത്തില് ദീപികയുടെ ചിത്രമുള്ള സോനു ശാന്തിലാലിന് ഓട നിര്മ്മിക്കുന്നതിനാണ് പണം നല്കിയിരിക്കുന്നത്.
കാര്ഡില് പേരുള്ളവരെ തേടിപിടിച്ചപ്പോള് തങ്ങള് ഒരുദിവസത്തെ ശമ്പളം പോലും കൈപ്പറ്റിയിട്ടില്ലെന്നാണ് പറയുന്നത്. ഇത്തരത്തിൽ പതിനൊന്നോളം താരങ്ങളുടെ ചിത്രങ്ങൾ പതിച്ചാണ് കാർഡ് വിതരണം ചെയ്തിരിക്കുന്നത് .സംഭവത്തിൽ അന്വേഷണം ആരംഭിച്ചതായി അധികൃതർ അറിയിച്ചു.
Comments