ദുബായ്: ഡല്‍ഹി ക്യാപിറ്റല്‍സിന്റെ മിസ്റ്റര്‍ സീനിയറിന് അഭിനന്ദന പ്രവാഹം. ടീമിന്റെ യുവതാരങ്ങള്‍ക്കെല്ലാം പ്രചോദനമാകുന്ന തുടര്‍ച്ചയായ സെഞ്ച്വറി നേട്ടത്തിനാണ് അഭിനന്ദനം. ഐ.പി.എല്ലില്‍ തുടക്കംമുതല്‍ കളിച്ചിട്ടും 168 മത്സരങ്ങള്‍ക്ക് ശേഷമാണ് ടീം ഇന്ത്യയുടെ ഓപ്പണര്‍ക്ക് ഒരു സെഞ്ച്വറി നേടാനായത്. എന്നാല്‍ തൊട്ടടുത്ത കളിയിലും ശതകത്തിലൂടെ ധവാന് താന്‍ മികച്ച ഫോമിലാണെന്ന് തെളിയിച്ചു. തുടര്‍ച്ചയായ രണ്ട് മത്സരത്തിലും ശതകം തികച്ചുകൊണ്ടാണ് ധവാന് ശക്തമായ തിരിച്ചുവരവ് നടത്തിയിരി ക്കുന്നത്.ഐ.പി.എല്ലില്‍ ഒരു സീസണില്‍ രണ്ടും അതിലേറെ സെഞ്ച്വറികള്‍ നേടുന്ന അഞ്ചാമത്തെ താരമാണ് ധവാന്. കോഹ്ലി ഒരു സീസണില്‍ നാലു സെഞ്ച്വറി നേടിയതാണ് ഇതുവരെയുള്ള ഏറ്റവും മികച്ച പ്രകടനം.
ഇന്നലത്തെ സെഞ്ച്വറിയോടെ ധവാന് ഐ.പി.എല്ലിലെ 5000 ക്ലബ്ബിലും കയറി. ഈ സീസണിലെ 10 മത്സരങ്ങളിലായി ധവാന് 465 റണ്‍സ് നേടിക്കഴിഞ്ഞു. 2012ല്‍ 569 റണ്‍സ് നേടിയ ധവാന് പിന്നീട് 500 കടന്നത് 2016ലും 2019ലുമാണ്. കഴിഞ്ഞ സീസണില്‍ 521 റണ്‍സ് നേടിയിരുന്നു.
ഏറ്റവുമധികം ബൗണ്ടറി നേടുന്ന താരമായും ശിഖര്‍ ഇന്നലെ മാറി. എല്ലാ ഐ.പി.എല്ലിലുമായി 575 ബൗണ്ടറികളാണ് ശിഖര്‍ ധവാന് അടിച്ചുകൂട്ടിയത്. റണ്‍സ് നേട്ടത്തിലും ധവാന് മികവിലേക്ക് ഉയര്‍ന്നിരിക്കുകയാണ്. അയ്യായിരം റണ്‍സെന്ന നേട്ടം കൊയ്യുന്ന അഞ്ചാമനായി ശിഖര്‍ ധവാന് ഇന്നലെ മാറി. ആകെ 5044 റണ്‍സാണ് നിലവില്‍ നേടിയിരിക്കുന്നത്. വിരാട് കോഹ് ലി, രോഹിത് ശര്‍മ്മ, സുരേഷ് റയ്‌ന, ഡേവിഡ് വാര്‍ണര്‍ എന്നിവരാണ് ഐ.പി.എല്ലിലെ അയ്യായിരം കടന്നവര്‍.
Comments