ബൈഡൻ ഒരുവർഷത്തിൽ കൂടുൽ അധികാരത്തിൽ തുടരില്ലെന്ന് കങ്കണ റണാവത്ത്: കമല ഹാരിസിനെ പ്രശംസിച്ചും താരം

ന്യൂഡൽഹി: അമേരിക്കൻ തെരഞ്ഞെടുപ്പിൽ ജോ ബൈഡൻ വിജയിച്ചതിന് പിന്നാലെ പ്രതികരണവുമായി നടി കങ്കണ റണാവത്ത്. പ്രസിഡന്റ് ജോ ബൈഡൻ ഒരുവർഷത്തിലധികം അധികാരത്തിൽ തുടരില്ല. കമല ഹാരിസാവും പിന്നീട് ഭരണം നിയന്ത്രിക്കുന്നതെന്നും കങ്കണ ട്വീറ്റ് ചെയ്തു. തെരഞ്ഞെടുപ്പിൽ വിജയിച്ച ശേഷം കമല ഹാരിസ് നടത്തിയ പ്രസംഗത്തിന്റെ വീഡിയോ പങ്കുവച്ചാണ് അമേരിക്കയുടെ ഭാവിയെപറ്റി കങ്കണ പ്രവചനങ്ങൾ നടത്തിയത്.

‘ ഓരോ അഞ്ച് മിനിറ്റിലും ഡാറ്റ ക്രഷാകുന്ന ഗജ്‌നി ബൈഡന്റെ കാര്യത്തിൽ ഒരു ഉറപ്പുമില്ല. എല്ലാ മരുന്നുകളും അവർ അദ്ദേഹത്തിന് കുത്തി വയ്‌ക്കുന്നു. എന്നാൽ അദ്ദേഹം ഒരുവർഷത്തിലധികം തുടരില്ല. കമല ഹാരിസാവും പിന്നീട് കാര്യങ്ങൾ നിയന്ത്രിക്കുക എന്ന കാര്യവും വ്യക്തമാണ്. ഒരു സ്ത്രീ ഉയർന്നുവരുമ്പോൾ എല്ലാ സ്ത്രീകൾക്കും അവർ വഴികാട്ടിയാകുന്നു. ചരിത്രപരമായ ദിവസത്തിന് ചിയേഴ്‌സ്’ എന്നായിരുന്നു കങ്കണയുടെ ട്വീറ്റ്.

Not sure about Gajni Biden who’s data crashes every 5 minutes, all the medicines they have injected in to him he won’t last more than a year, clearly Kamal Harris will run the show.
When one woman rises, she makes the way for every woman.
Cheers to this historic day 👏👏👏 https://t.co/hpcy0YksRz

— Kangana Ranaut (@KanganaTeam) November 8, 2020

കറുത്ത വർഗക്കാരായ സ്ത്രീകളുടെ തുല്യതയ്‌ക്കായുള്ള പോരാട്ടത്തിന്റെ വിജയമാണ് തന്റേതെന്നാണ് കമലാ ഹാരിസ് പറഞ്ഞത്. നാല് ദിവസത്തെ കാത്തിരിപ്പിന് ശേഷമാണ് ഇരുവരും അധികാരത്തിലെത്തിയത്.