ചെന്നൈ: വിവാദമായ പോലീസ് നിയമഭേദഗതി പിൻവലിച്ച കേരളസർക്കാരിന്റെ തീരുമാനം തമിഴ്നാട്ടിലും ചർച്ചയാവുകയാണ്. അതും സിനിമാരംഗത്ത്. വിഷയവുമായി ബന്ധപ്പെട്ട് ഉലക നായകൻ കമൽഹാസനും തമിഴ്നടി കസ്തൂരിയുമാണ് ചർച്ചകൾക്ക് തുടക്കമിട്ടത്.
പോലീസ് നിയമഭേദഗതി പിൻവലിച്ച നടപടിയിൽ കമൽഹാസന്റെ അഭിപ്രായ എന്താണെന്നാണ് നടിയുടെ ചോദ്യം. കേരളവും ഇടതുസർക്കാരും ഏല്ലാത്തിലും മാതൃകയാണെന്ന് പലപ്പോഴും താങ്കൾ അഭിപ്രായപ്പെട്ടിട്ടുണ്ടല്ലോ? സമാന നിലപാട് ഇക്കാര്യത്തിലുമുണ്ടോ എന്നാണ് കസ്തൂരിയുടെ ചോദ്യം.
Respected @ikamalhaasan ,
How do u see @vijayanpinarayi 's Kerala police act amendment?
You have frequently called out ADMK and BJP govts as authoritarian.
and praised kerala as example for good governance, corona control etc.
Do you still have the same views?@drmahendran_r— Kasturi (@KasthuriShankar) November 22, 2020
‘ബഹുമാനപ്പെട്ട കമൽ ഹാസൻ, പിണറായി വിജയന്റെ കേരള പോലീസ് നിയമഭേദഗതി നിങ്ങൾ എങ്ങനെ കാണുന്നു? എഡിഎംകെ, ബിജെപി സർക്കാരുകളെ സ്വേച്ഛാധിപതിയായി നിങ്ങൾ ഇടയ്‌ക്കിടെ വിശേഷിപ്പിക്കാറുണ്ട്. മികച്ച ഭരണം, കൊറോണ നിയന്ത്രണം മുതലായവയ്‌ക്ക് ഉദാഹരണമായി കേരളത്തെ പ്രശംസിച്ചു. നിങ്ങൾക്ക് ഇപ്പോഴും സമാന കാഴ്ചപ്പാടുകളുണ്ടോ?’ ഇതായിരുന്നു കസ്തൂരിയുടെ ചോദ്യം. ട്വിറ്ററിലൂടെയാണ് കസ്തൂരി കമൽഹാസനെതിരെ ചോദ്യവുമായി രംഗത്തെത്തിയത്.
