വാഷിംഗ്ടൺ: തായ് വാനെതിരെ ചൈനയുടെ ഒരു സമ്മർദ്ദവും വിജയിക്കില്ലെന്ന് അമേരിക്ക. തായ് വാനെതിരെ ചൈന യുദ്ധത്തിനുള്ള തയ്യാറെടുപ്പാണ് നടത്തുന്നതെന്നത് അമേരിക്ക തള്ളി. അതേസമയം തായ് വാന്റെ സുരക്ഷാ കാര്യത്തിൽ ആവശ്യപ്പെട്ടാൽ ഏതറ്റംവരേയും പോകുമെന്നും അമേരിക്കയുടെ പ്രതിരോധ വകുപ്പിനെ ഉദ്ധരിച്ച് പ്രസ്സ് സെക്രട്ടറി ജോൺ കിർബി അറിയിച്ചു.
തായ് വാനുമായി അമേരിക്ക പ്രതിരോധ സഹകരണം സ്ഥാപിച്ചിരിക്കുകയാണ്. അതിനാൽ ചൈനയുടെ ഭാഗത്തുനിന്നും സുഹൃദ് രാജ്യത്തിനു നേരെയുള്ള എല്ലാ വെല്ലുവിളികളും നേരിടാൻ അമേരിക്ക ഒരുക്കമാണെന്നും പെന്റഗൺ വ്യക്ത മാക്കി.
തായ് വാനും അമേരിക്കയും തെക്കൻ ചൈന കടലിൽ നടത്തുന്ന സൈനിക സംയുക്താഭ്യാസങ്ങളെ ചൈന കടുത്ത ഭാഷയിൽ വിമർശിച്ചതിന് പിറകേയാണ് അമേരിക്കയുടെ പ്രതികരണമുണ്ടായത്. തായ് വാന്റെ നീക്കത്തിന് ബദൽ യുദ്ധം മാത്രമാണ് പ്രതിവിധി എന്ന പ്രകോപനപരമായ വാക്കാണ് ചൈനീസ് പ്രതിരോധ വക്താവ് ഉപയോഗിച്ചത്.
ട്രംപിന്റെ ഭരണത്തിൻ കീഴിൽ തുടങ്ങിവെച്ച ചൈനാ കടലിലെ സാന്നിദ്ധ്യവും തായ് വാനുമായുള്ള ബന്ധവും പൂർവ്വാധികം ശക്തമാക്കാനാണ് ബൈഡനും തീരുമാനിച്ചിരിക്കുന്നത്.
Comments