ഉത്തരാഖണ്ഡിലെ പ്രളയം; ജോഷി മഠിലെ ജലം റെക്കോഡ് ഉയരത്തിൽ

ചമോലി: ഉത്തരാഖണ്ഡിലെ മിന്നൽ പ്രളയത്തിൽ ജലനിരപ്പുയർന്നത് സർവ്വകാല റെക്കോഡിൽ. കേന്ദ്ര ജലകമ്മീഷനാണ് പ്രളയത്തിന്റെ വിലയിരുത്തൽ നടത്തിയത്. രാവിലെ 11 മണിക്ക് തന്നെ ജോഷിമഠിൽ ജലനിരപ്പ് 1388 മീറ്ററോളം ഉയർന്നു. 2013ലെ പ്രളയത്തിൽ ജലനിരപ്പെത്തിയത് 1385.54 മീറ്ററായിരുന്നു. അതിനേക്കാൾ രണ്ടു മീറ്ററിലധികം ജലവിതാനം ഉയർന്നെന്നാണ് കണക്കുകൾ സൂചിപ്പിക്കുന്നത്.

ഉച്ചയോടെ ജലനിരപ്പ് 1372.58 ആയും വൈകിട്ട് ആറുമണിക്ക് 1375 ആയും താഴ്ന്നു. നന്ദപ്രയാഗിൽ വൈകിട്ട് ആറുമണിക്ക് ജലനിരപ്പ് 848..40മീറ്ററായിരുന്നത് ഒരു ദിവസം മുമ്പ് 840.30 ആയിരുന്നെന്നും ജല കമ്മീഷൻ പറയുന്നു.

രുദ്രപ്രയാഗിലും ശ്രീനഗറിലും ദേവപ്രയാഗിലും ഋഷികേശിലും ഇതേ അവസ്ഥയിൽ ജലനിരപ്പുയർന്നെന്നാണ് കമ്മീഷൻ റിപ്പോർട്ട്.