തലൈവിയായി കങ്കണ: ആദ്യ ഗാനം ഏറ്റെടുത്ത് ആരാധകർ

അന്തരിച്ച തമിഴ്‌നാട് മുൻ മുഖ്യമന്ത്രി ജയലളിതയുടെ ജീവിതകഥ പറയുന്ന തലൈവി സിനിമയുടെ ആദ്യ ഗാനം പുറത്തിറങ്ങി. ഇല ഇല എന്ന് തുടങ്ങുന്ന ഗാനം അതിമനോഹരമായ പശ്ചാത്തലത്തിലാണ് ചിത്രീകരിച്ചിരിക്കുന്നത്. ജയലളിതയുടെ സുവർണ കാലഘട്ടമാണ് പാട്ടിലുള്ളത്. സമൂഹ മാദ്ധ്യമങ്ങളിൽ വലിയ സ്വീകാര്യതയാണ് ഗാനത്തിന് ലഭിച്ചിരിക്കുന്നത്.

ജിപി പ്രകാശ് കുമാർ ഒരുക്കിയ പാട്ട് ആലപിച്ചിരിക്കുന്നത് സൈന്ദവി പ്രകാശ് ആണ്. സിരാ സിരി ആണ് വരികൾ എഴുതിയിരിക്കുന്നത്. ജയലളിതയുടെ ആദ്യ സിനിമയിലേത് മുതലുള്ള ലുക്കുകളിൽ കങ്കണ ഗാനരംഗങ്ങളിൽ എത്തുന്നുണ്ട്. എംജിആറായി അരവിന്ദ് സ്വാമിയാണ് വേഷമിടുന്നത്. ഏപ്രിൽ 23ന് ചിത്രം ലോകമൊട്ടാകെ പ്രദർശനത്തിനെത്തും.

ഹിന്ദി, തമിഴ്, തെലുങ്ക് എന്നിങ്ങനെ വിവിധ ഭാഷകളിൽ റിലീസിന് തയ്യാറെടുക്കുന്ന ചിത്രം എഎൽ വിജയ് ആണ് സംവിധാനം ചെയ്യുന്നത്. വൈബ്രി, കർമ്മ മീഡിയ എന്നിവയുടെ ബാനറിൽ വിഷ്ണു വർധൻ ഇന്ദൂരി, ശൈലേഷ് ആർ സിംഗ് എന്നിവർ ചേർന്നാണ് ചിത്രം നിർമ്മിക്കുന്നത്.

Thank you for giving so much love to Chali – chali, lot of Hindi speaking people asking was Jayaa maa so beautiful in her debut song? Well I am not a patch on her, here is her debut song link, Chali chali is fashioned after ammmamma kaatru have a look 🙂 https://t.co/XKFLMa6tN2

— Kangana Ranaut (@KanganaTeam) April 2, 2021