ടോട്ടനത്തെ തകർത്ത് യുണൈറ്റഡ്; മികച്ച ജയത്തോടെ ആഴ്‌സണൽ

ലണ്ടൻ: ഇംഗ്ലീഷ് പ്രീമിയർ ലീഗിൽ മാഞ്ചസ്റ്റർ യുണൈറ്റഡിന് തകർപ്പൻ ജയം. കരുത്തരായ ടോട്ടനത്തിനെ 3-1നാണ് യുണൈറ്റഡ് തോൽപ്പിച്ചത്. രണ്ടാം മത്സരത്തിൽ ഷെഫീൽഡിനെ തകർത്ത് എതിരില്ലാത്ത മൂന്ന് ഗോളുകൾക്ക് ആഴ്‌സണലും മുന്നേറി.

കളിയുടെ ആദ്യപകുതിയുടെ 40-ാം മിനിറ്റിൽ സോൻ ഹ്യൂംഗ് മിൻ ടോട്ടനത്തിനെ മുന്നിലെ ത്തിച്ചു. എന്നാൽ രണ്ടാം പകുതിയിൽ കളം നിറഞ്ഞ ചെമ്പട മൂന്ന് ഗോളുകൾ തിരിച്ചടിച്ചാണ് കളി സ്വന്തമാക്കിയത്. ഫ്രെഡ് 57-ാം മിനിറ്റിൽ സമനില ഗോൾ നേടി. എഡിസൻ കവാനി79-ാം മിനിറ്റിൽ വിജയഗോളും മാസൺ ഗ്രീൻവുഡ് 96-ാം മിനിറ്റിൽ ലീഡ് 3-1 ആക്കിയും ഉയർത്തി.

രണ്ടാം മത്സരത്തിൽ ആഴ്‌സണലിന്റെ സർവ്വാധിപത്യമാണ് ഷെഫീൽഡിനെതിരെ കണ്ടത്. ഇരട്ട ഗോളുകൾ നേടിയ അലക്‌സാണ്ടർ ലാകാസേറ്റയാണ് മിന്നും പ്രകടനം
പുറത്തെടുത്തത്. 33-ാം മിനിറ്റിൽ ലാകാസേറ്റെ ആദ്യ ഗോൾ നേടി. 71-ാം മിനിറ്റിൽ ലീഡ് ഉയർത്തി ഗാബ്രിയേൽ മാർട്ടിനെല്ലി രണ്ടാം ഗോൾ സ്വന്തമാക്കി. 85-ാം മിനിറ്റിൽ ആഴ്‌സണലിന്റെ ജയം ആധികാരികമാക്കി ലാകാസേറ്റെ മൂന്നാം ഗോൾ തന്റെ പേരിൽ ചേർത്തു.