ഫ്രഞ്ച് ഓപ്പൺ: മൂന്നാം സീഡ് ഡോമിനിക് തീമിന് അട്ടിമറി തോൽവി; മൂന്ന് സീഡഡ് താരങ്ങൾ പുറത്ത്

പാരീസ്: ഫ്രഞ്ച് ഓപ്പൺ പുരുഷ വിഭാഗം മത്സരത്തിൽ തുടക്കത്തിൽ തന്നെ വമ്പന്മാർക്ക് കാലിടറുന്നു. മൂന്നാം സീഡ് ഡോമിനിക് തീമാണ് ഇന്നലെ അട്ടിമറിക്കപ്പെട്ടത്. രണ്ടു തവണ ഫൈനലിലെത്തിയ താരമാണ് ലോക റാങ്കിങ്ങിലെ 68-ാം സ്ഥാനക്കാരനോട് തോറ്റത്. ഒപ്പം സീഡ് ചെയ്യപ്പെട്ട രണ്ടു താരങ്ങളായ ഹർക്കാസും ദിമിത്രോവും ഇവാൻസും പുറത്തായി.

ഡോമിനിക് തീമിനെ സ്പാനിഷ് താരം പാബ്ലോ ആൻജറാണ് അട്ടിമറിച്ചത്. അഞ്ചു സെറ്റ് നീണ്ട പോരാട്ടത്തിനൊടുവിലാണ് തീം തോൽവി സമ്മതിച്ചത്. ആദ്യ രണ്ടു സെറ്റുകൾ 6-4, 7-5ന് നേടിയ തീമിനെ ഞെട്ടിച്ചുകൊണ്ട് 3-6,4-6,4-6 എന്നിങ്ങനെ തുടർന്നുള്ള മൂന്ന് സെറ്റും പിടിച്ചെടുത്താണ് സ്പാനിഷ് താരം രണ്ടാം റൗണ്ടിലേക്ക് കടന്നത്.

വിജയിച്ചവരിൽ 6-ാം സീഡ് വെരേവ്, 11-ാം സീഡ് ബൗടീസ്റ്റ അഗട്ട്, 12-ാം സീഡ് കരാനോ ബുസ്ത, 22-ാം സീഡ് ഗാരിൻ, 23-ാം സീഡ് ഖാച്ചാനോവ്, 27-ാം സീഡ് ഫോഗിനി എന്നിവരും ഉൾപ്പെട്ടു.