കളറൊന്നു മാറിയതേ ഉളളൂ… സ്വന്തം വര്ഗത്തില്പ്പെട്ട ചിമ്പാന്സിക്കുഞ്ഞിനെ ഇല്ലാതാക്കി മുതിര്ന്ന ചിമ്പാന്സിക്കൂട്ടം. ആഫ്രിക്കന് രാജ്യമായ ഉഗാണ്ടയിലാണ് ഞെട്ടിക്കുന്ന ഈ സംഭവം നടന്നത്. അപൂര്വങ്ങളില് അപൂര്വ്വമായി മാത്രം ജനിച്ചതാണ് വെളുത്ത ചിമ്പാന്സിക്കുഞ്ഞ്. എന്നാല് ഇങ്ങിനെ അപൂര്വമായി ജനിച്ച വെളുത്ത ചിമ്പാന്സിക്കുഞ്ഞിനെ തല്ലിക്കൊന്നിരിക്കുകയാണ് മുതിര്ന്ന ചിമ്പാന്സിക്കൂട്ടം. ഒമ്പത് വയസ്സ് പ്രായമുള്ള ചിമ്പാന്സിക്കാണ് വെളുത്ത നിറമുള്ള കുഞ്ഞ് പിറന്നത്. ചിമ്പാന്സിയുടെ വെള്ളനിറത്തിന് കാരണമെന്ന് ആല്ബിനിസം എന്ന അവസ്ഥയാണ് എന്നാണ് ശാസ്ത്രജ്ഞര് പറയുന്നു.
ഉഗാണ്ടയില് ജനിച്ച അപൂര്വ്വ വെള്ള ചിമ്പാന്സിയെയെയും അമ്മയെയും ശാസ്ത്രജ്ഞര് നീരീക്ഷിച്ചു വരികയായിരുന്നു. ഒരു ദിവസം രണ്ട് മുതിര്ന്ന ചിമ്പന്സികള് ഇവര്ക്കരികിലെത്തി വലിയ ശബ്ദങ്ങളുണ്ടാക്കി. ശത്രുജീവികളെ കാണുമ്പോഴാണ് അവ ഇത്തരത്തില് ശബ്ദങ്ങളുണ്ടാക്കുക. അതു കേട്ടതോടെ കൂടുതല് ചിമ്പാന്സികള് അമ്മയ്ക്കും കുഞ്ഞിനുമരികിലെത്തി. അപായം ഭയന്ന അമ്മ കുഞ്ഞുമായി മരത്തിലേക്ക് ഓടിക്കയറി ഒരു പൊന്തക്കാട്ടിലേക്ക് രക്ഷപെട്ടു. എന്നാല് രണ്ട് ദിവസങ്ങള്ക്കു ശേഷം ഞെട്ടിക്കുന്ന ദൃശ്യങ്ങളാണ് ശാസ്ത്രജ്ഞര് കണ്ടത്.
ഒരു ഭീമന് ആണ് ചിമ്പാന്സിയുടെ കയ്യില് മുറിവേറ്റിരിക്കുന്ന വെള്ള ചിമ്പാന്സിക്കുഞ്ഞ്. ആ കുഞ്ഞു ചിമ്പാന്സിയുടെ ഇളംമേനിയില് ആണ് ചിമ്പാന്സി കടിച്ചും ഇടിച്ചും ഉപദ്രവിച്ചുകൊണ്ടിരുന്നു. അധികം താമസിക്കാതെ മറ്റു ചിമ്പാന്സികളും ഉപദ്രവിക്കാന് കൂടി. താമസിക്കാതെ കുഞ്ഞ് മരിക്കുകയായിരുന്നു. ചത്ത ചിമ്പാന്സിക്കുഞ്ഞിനെ ഒരു മരക്കൊമ്പില് വച്ച് മുതിര്ന്ന ചിമ്പാന്സികള് സ്ഥലം വിടുകയും ചെയ്തു. ആഫ്രിക്കയില് തന്നെ ആല്ബിനിസം ബാധിച്ച് പിങ്കി എന്നു പേരുള്ള ചിമ്പാന്സി ജനിച്ചിരുന്നതായി മുമ്പ് റിപ്പോര്ട്ടുകള് വന്നിരുന്നു.
Comments