ജമ്മു – കശ്മീർ : കിഷ്ത്വാർ ജില്ലയിലെ കുൽനാ വനമേഖയിൽ നിന്നും ഭീകരവാദിയെ പിടികൂടി. ഇന്ത്യൻ സേനയും സെൻട്രൽ റിസർവ്വ് പോലീസും ജമ്മു – കശ്മീർ പോലീസും സംയുക്തമായി നടത്തിയ പരിശോധനയിലാണ് വനത്തിനുള്ളിൽ ഒളിച്ചിരിക്കുകയായിരുന്ന തീവ്രവാദിയെ പിടികൂടിയത്.
ഹിസ്ബുൾ മുജാഹിദ്ദീൻ ഭീകരനായ മുസ്സമ്മിൽ ഹുസൈൻ ഷായാണ് അറസ്റ്റിലായത്. ഇയാളിൽ നിന്ന് ഗ്രനേഡ് അടക്കമുള്ള ആയുധങ്ങളും കണ്ടെടുത്തു. കിഷ്ത്വാർ ജില്ലയിലെ മീർനാ പാട്ടിമല്ലാ പാൾമാർ സ്വദേശിയാണ് ഹുസൈൻ ഷായെന്ന്് പോലീസ് അറിയിച്ചു. ദിവസങ്ങൾക്ക് മുൻപാണ് ഇയാൾ ഹിസ്ബുൾ മുജാഹിദ്ദീനിൽ ചേർന്നത്. കൂടുതൽ അന്വേഷണം നടന്നു വരികയാണെന്ന് പോലീസ് പറഞ്ഞു.
Comments