തിരുവനന്തപുരം: വരും ദിനങ്ങളിൽ കേരളത്തിന് കൂടുതൽ വാക്‌സിൻ ഡോസുകൾ നൽകുമെന്ന് കേന്ദ്ര ആരോഗ്യ മന്ത്രി മൻസുഖ് മാണ്ഡവ്യ ഉറപ്പു നൽകി. മുഖ്യമന്ത്രി പിണറായി വിജയനുമായി നടത്തിയ കൂടിക്കാഴ്ചയിലാണ് മാണ്ഡവ്യ ഇക്കാര്യം വ്യക്തമാക്കിയത്. കൊറോണ മഹാമാരിയെ നേരിടാൻ കേരളത്തിന് സാധ്യമായ എല്ലാ സഹായവും കേന്ദ്രം നൽകുമെന്ന് അദ്ദേഹം പറഞ്ഞു.
കൂടിക്കാഴ്ചയിൽ ആരോഗ്യ മന്ത്രി വീണാ ജോർജും പങ്കെടുത്തു.
അടിയന്തര കൊറോണ പ്രതിരോധ പാക്കേജ്-2 പ്രകാരം കേരളത്തിന് 267.35 കോടി രൂപ കേന്ദ്രം അനുവദിച്ചു. ഇത് സംസ്ഥാനത്തിന്റെ ആരോഗ്യ അടിസ്ഥാന സൗകര്യങ്ങൾ ശക്തിപ്പെടുത്തും. കൂടാതെ, വിവിധ ഇനം മരുന്നുകളുടെ ലഭ്യത വർധിപ്പിക്കാൻ കേരളത്തിലെ ഓരോ ജില്ലകൾക്കും 1 കോടി രൂപ വീതം നൽകും
കേന്ദ്ര ആരോഗ്യ മന്ത്രാലയത്തിന്റെ കണക്കനുസരിച്ച്, നിലവിൽ കേരളത്തിൽ 1,79,155 കൊറോണ രോഗികളുണ്ട്. ഇതുവരെ 18,601 പേരാണ് മരണത്തിന് കീഴടങ്ങിയത്.
