പൂഞ്ച്: ബിപിഎൽ കാർഡ് കുടുംബങ്ങളിലെ കുട്ടികൾക്ക് സൗജന്യ പഠന സഹായവുമായി കരസേന. ജമ്മുവിലെ ക്യഷാനാ ഗാട്ടി ബ്രിഗേഡിലെ സേന യൂണിറ്റാണ് പൂഞ്ച് ജില്ലയിൽ അതിർത്തി മേഖലയിലുള്ള ബിപിഎൽ കാർഡ് കുടുംബങ്ങളിലെ കുട്ടികൾക്ക് സൗജന്യ പഠനം നൽകാൻ തീരുമാനിച്ചത്.
കുട്ടികൾക്കായി സൗജന്യ പഠനത്തോടൊപ്പം യൂണിഫോം,ബുക്കുകൾ എന്നിവയെല്ലാം നൽകി വരുന്നുണ്ട്. എകദേഷം 150 -200 കുട്ടികളാണ് ബിപിഎൽ കാർഡിന് അർഹരായവർ. 5ാം ക്ലാസ് വരെയുളള കുട്ടികൾക്കായിരുന്നു ആദ്യഘട്ടത്തിൽ സൗജന്യ പഠനത്തിനുള്ള അവസരം ലഭിച്ചിരിക്കുന്നത്. പിന്നീട് 8ാം ക്ലാസ് വരെയുള്ള കുട്ടികൾക്കും ഭാവിയിൽ 10ാം ക്ലാസുവരെയുളള കുട്ടികൾക്കും ഈ സൗകര്യം ഉറപ്പ് വരുത്തുകയാണ് ലക്ഷ്യമെന്നും കമാൻഡിങ് ഓഫിസർ നിഖിൽ പറഞ്ഞു.
നിലവിൽ കുട്ടികൾക്ക് മികച്ച പഠനമാണ് നൽകുന്നതെന്നും എന്നാൽ സ്മാർട്ട് ക്ലാസ് പഠനസൗകര്യം അവരിലേക്ക് എത്തിക്കാനുളള നടപടികൾ നടന്നുവരുന്നുവെന്നും അദ്ദേഹം കൂട്ടിച്ചേർത്തു.
Comments