ഹൈദരാബാദ്: പൃഥ്വിരാജിന്റെ സംവിധാനത്തിൽ പുറത്തിറങ്ങിയ മലയാളത്തിലെ സൂപ്പർ ഹിറ്റ് ചിത്രം ലൂസിഫറിന്റെ തെലുങ്ക് റീമേക്കിന്റെ പേര് പ്രഖ്യാപിച്ചു. തെലുങ്കിലെത്തുമ്പോൾ ‘ഗോഡ് ഫാദർ’ എന്നാണ് ലൂസിഫറിന്റെ പേര്. കഴിഞ്ഞ മാസം പന്ത്രാണ്ടാം തിയതി സിനിമയുടെ ചിത്രീകരണം തുടങ്ങിയിരുന്നു. മലയാളത്തിൽ മോഹൻലാൽ അവതരിപ്പിച്ച കഥാപാത്രമായി തെലുങ്കിൽ എത്തുക ചിരഞ്ജീവിയാണ്.
റീമേക്കിന്റെ മോഷൻ പോസ്റ്ററും പുറത്തുവിട്ടിട്ടുണ്ട്. മോഹൻരാജയാണ് ചിത്രം സംവിധാനം ചെയ്യുന്നത്. ചിരഞ്ജീവിയുടെ മകൻ രാം ചരൺ ആണ് ചിത്രം നിർമ്മിക്കുന്നത്. സിനിമയിൽ നയൻതാരയാണ് നായിക.
Comments