നടി അർച്ചന കവി വിവാഹിതയായി. റിക്ക് വർഗീസ് ആണ് വരൻ. അർച്ചനയുടെ രണ്ടാം വിവാഹമാണിത്. അടുത്തിടെ നൽകിയ അഭിമുഖത്തിൽ വരനെ കുറിച്ച് നടി വെളിപ്പെടുത്തിയിരുന്നു. ഡേറ്റിംഗ് ആപ്പിലൂടെയാണ് ഇരുവരും പരിചയപ്പെട്ടതെന്നാണ് നടി പറഞ്ഞത്. കണ്ണൂരിൽ വീടിന്റെ നിർമ്മാണം നടക്കുന്ന സമയമായിരുന്നു. ബോറടിക്കുന്ന സമയത്ത് ഡേറ്റിംഗ് ആപ്പിൽ കയറും. വെറുതെ ഒരു ടൈം പാസിനായിരുന്നു സംസാരിച്ച് തുടങ്ങിയത്.
റിക്കിന്റേത് ആദ്യ വിവാഹമാണ്. ഒരു മകളെ രാജകുമാരിയെ പോലെ പരിഗണിക്കണമെന്ന് പറഞ്ഞ ഒരേയൊരു പുരുഷൻ റിക്ക് ആണ്. എന്നോട് വളരെ നന്നായി പെരുമാറി. മറ്റൊരാളും എന്നോടിങ്ങനെ പെരുമാറിയിട്ടില്ലെന്നും അർച്ചന കവി പറഞ്ഞിരുന്നു.
