ന്യൂഡൽഹി: ഇനി ഡോക്ടർമാർ കുറിച്ചു തരുന്ന മരുന്ന് കുറിപ്പടികൾ മനസിലാക്കാൻ കഴിയാതെ നട്ടം തിരിയണ്ട. ഇതിനായി ഒരു മൊബൈൽ ആപ്പ് തന്നെ രംഗത്തിറക്കിയിരിക്കുകയാണ് സിക്യൂർമി എന്ന സ്റ്റാർട്ടപ്പ്.
ഈ മൊബൈൽ ആപ്ലിക്കേഷനിലൂടെ രോഗികളുടെ സംശയങ്ങൾ പരിഹരിക്കുകയും, ഡോക്ടർമാർ കുറിച്ച് തരുന്ന മരുന്നുകളുടെ സംശയങ്ങൾ എന്നിവ രോഗികൾക്ക് മനസ്സിലാക്കി കൊടുക്കുകെയുമാണ് ലക്ഷ്യമിടുന്നതെന്നും ഡൽഹി എഐഐഎംഎസിലെ മുൻ ഡീൻ ആൻഡ് ഹെഡ് ഫാർമക്കോളജിസ്റ്റായ വൈ.കെ ഗുപ്ത പറഞ്ഞു.
ഇന്നുവരെ ഡോക്ടർമാർ നൽകുന്ന കുറിപ്പടികളെക്കുറിച്ച് ആവശ്യമായ വ്യക്തത ലഭിക്കാൻ സഹായിക്കുന്ന ഒരു ആപ്പും രാജ്യത്ത് ഇല്ല. കുറിപ്പടി മനസ്സിലാക്കാത്തത് കാരണം പലതവണ തെറ്റായ മരുന്നുകളും കാലാവധി കഴിഞ്ഞതായ മരുന്നുകൾ കഴിക്കുന്നത് പല രോഗങ്ങൾക്ക് കാരണമാകുന്നുവെന്നും സെകൃുർമി ഹെൽത്ത് കെയർ ടെക്നോളജി ഡയർക്ടർ തരുൺ ഗുപ്ത പറഞ്ഞു.
രോഗികൾക്കും ഫാർമസിസ്റ്റുകൾക്കും ഡോക്ടർമാർക്കും പെട്ടെന്ന് ഫലപ്രദമായ ഉപയോഗിക്കാൻ പറ്റുന്ന ഒരേയൊരു ആപ്പാണ് ഇതെന്നും അദ്ദേഹം കൂട്ടിച്ചേർത്തു.
