മമ്മൂക്ക ആരാധകരെ പുളകംകൊളളിച്ച് പുതിയ ചിത്രം ‘ഭീഷ്മ പർവ്വത്തിന്റെ സെക്കൻഡ് ലുക്ക് പോസ്റ്റർ പുറത്തിറക്കി. ചിത്രത്തിന്റെ അണിയറ പ്രവർത്തകരാണ് സെക്കൻഡ് ലുക്ക് പോസ്റ്റർ പുറത്തിറക്കിയത്.
പിറന്നാൾ ദിനത്തിൽ വൈകിട്ടോടെയാണ് മമ്മൂട്ടി ആരാധകർക്കുള്ള പിറന്നാൾ സമ്മാനം സംവിധായകൻ അമൽ നീരദ് തന്നെ പുറത്ത് വിട്ടത്. സിനിമയിലെ മമ്മൂട്ടി അവതരിപ്പിക്കുന്ന നായക കഥാപാത്രത്തിന്റെ ഒരു സംഘട്ടന രംഗമാണ് പോസ്റ്ററിലുളളത്.
അമൽ നീരദും ദേവ്ദത്ത് ഷാജിയും ചേർന്നാണ് ചിത്രത്തിന്റെ രചന നിർവ്വഹിച്ചിരിക്കുന്നത്. വൻ താര നിര അണിനിരക്കുന്ന ചിത്രത്തിൽ തബു, ഫർഹാൻ ഫാസിൽ, ഷൈൻ ടോം ചാക്കോ, സൗബിൻ ഷാഹിർ, ശ്രീനാഥ് ഭാസി, ദിലീഷ് പോത്തൻ, അബു സലിം, പദ്മരാജ് രതീഷ്, ഷെബിൻ ബെൻസൺ, ലെന, ശ്രിൻഡ, ജിനു ജോസഫ്, വീണ നന്ദകുമാർ, ഹരീഷ് പേരടി, അനസൂയ ഭരദ്വാജ്, നദിയ മൊയ്തു, മാല പാർവ്വതി തുടങ്ങിയവരാണ് മറ്റ് കഥാപാത്രങ്ങളെ അഭിനയിക്കുന്നത്.
‘ബിഗ് ബി’ യക്ക് ശേഷം അമൽനീരദ് മമ്മൂട്ടി കൂട്ടുക്കെട്ടിലെ രണ്ടാമത്തെ ചിത്രമാണ് ഇത്. ബിഗ് ബിയുടെ രണ്ടാം ഭാഗമായ ‘ ബിലാൽ’ കൊറോണ കാരണം മാറ്റിവെക്കേണ്ടി വന്നിരുന്നു.
Comments