ഭോപ്പാൽ:എൻജിനീയറിംഗ് സിലബസിൽ മഹാഭാരതം, രാമായണം, രാമചരിത മാനസം, എന്നിവ ഉൾപ്പെടുത്തി മദ്ധ്യപ്രദേശ് സർക്കാർ. സംസ്ഥാനത്തെ ഉന്നത വിദ്യാഭ്യാസ വകുപ്പാണ് പ്രഖ്യാപനം നടത്തിയത്. വിദ്യാഭ്യസ ബോർഡ് സിലബസ് ഇതിനോടകം തന്നെ തയ്യാറാക്കി കഴിഞ്ഞു.
യുവാക്കളിൽ ഇന്ത്യൻ സംസ്കാരം വളർത്തിയെടുക്കുന്നതിന്റെ ശ്രമമായിട്ടാണ് പുതിയ തീരുമാനം. പുതിയ തീരുമാനത്തിൽ തെറ്റൊന്നുമില്ലെന്ന് ഉന്നത വിദ്യാഭ്യാസ മന്ത്രി മോഹൻ യാദവ് പറഞ്ഞു. പുതിയ വിദ്യാഭ്യാസ പദ്ധതിയുടെ ഭാഗമായാണ് പരിഷ്ക്കരണമെന്നും ഇതിഹാസങ്ങളെക്കുറിച്ച് പഠിക്കാൻ താൽപര്യമുള്ളവർക്ക് ഇതൊരു മുതൽകൂട്ടാവുമെന്നും അദ്ദേഹം കൂട്ടിച്ചേർത്തു.
സ്കൂളിലും കോളേജ് പാഠ്യപദ്ധതിയിലും ദേശീയ വിദ്യാഭ്യസ നയം ഉൾപ്പെടുത്താൻ ശ്രമിക്കുന്ന ആദ്യ സംസ്ഥാനങ്ങളിലൊന്നാണ് മധ്യപ്രദേശ്. കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ അടുത്തിടെയാണ് വിദ്യാഭ്യസ നയം അവതരിപ്പിച്ചത്.
