ന്യൂഡൽഹി :നേപ്പാളുമായുള്ള അതിർത്തി പ്രശ്‌നങ്ങൾ ചർച്ചചെയ്യാൻ തയ്യാറെടുത്ത് ഇന്ത്യ. ഇതിന്റെ ഭാഗമായി ഡയറകർ ജനറൽ സീമ ബാലിന്റെയും നേപ്പാൾ സായുധസേന ഇൻസ്‌പെക്ടർ ജനറലിന്റെയും നേതൃത്വത്തിലുള്ള വാർഷിക ഏകോപന യോഗത്തിന് ഇന്ന് തുടക്കമാവും.
അഞ്ചാമത് വാർഷിക ഏകോപന യോഗം ഒക്ടോബർ 5 മുതൽ 7 വരെ ന്യൂഡൽഹിയിൽ നടക്കും. യോഗത്തിൽ അതിർത്തി സംബന്ധമായ പ്രശ്‌നങ്ങളിൽ ഇരു രാജ്യങ്ങളുടേയും സേനകൾ തമ്മിൽ ചർച്ച നടത്തും. സുരക്ഷാ സേനകൾ തമ്മിൽ മികച്ച ഏകോപനം സാധ്യമാക്കാനുള്ള നടപടികളും ചർച്ച ചെയ്യും.
അതിർത്തി കടന്നുള്ള കുറ്റകൃത്യങ്ങൾ സംയുക്തമായി തടയുന്നതിനുളള പദ്ധതികളും കുറ്റവാളികളുടെ വിവരങ്ങൾ യഥാസമയം പങ്കിടുന്നതിനെക്കുറിച്ചും യോഗത്തിൽ ചർച്ച ചെയ്യുമെന്ന് ഡയറകർ ജനറൽ സീമ ബാൽ വ്യക്തമാക്കി.
ഡിജി കുമാർ ചന്ദ്രയുടെ നേതൃത്വത്തിലുള്ള ഇന്ത്യയുടെ പന്ത്രണ്ട് അംഗ എസ്എസ്ബി സംഘവും ഐജി ശൈലേന്ദ്ര ഖാനയുടെ നേതൃത്വത്തിലുള്ള നേപ്പാളിന്റെ ഒൻപതംഗ എപിഎഫ് സംഘവും ചർച്ചയിൽ പങ്കെടുക്കും.
