ഏത് കുട്ടിയാണ് മയക്കുമരുന്ന് ഉപയോഗിക്കാത്തത്? വ്യഭിചാരവും മയക്കുമരുന്ന് ഉപയോഗവും കുറ്റമല്ലാതാക്കണമെന്ന് ബോളിവുഡ് നടി

ന്യൂഡൽഹി : ആഡംബര കപ്പലിലെ ലഹരി വേട്ടയും ആര്യൻ ഖാന്റെ അറസ്റ്റും ബോളിവുഡിൽ വലിയ ചർച്ചാ വിഷയമായിരിക്കുകയാണ്. മയക്കുമരുന്ന് ഉപയോഗം ശരിയല്ലെന്ന് ചിലർ പറയുമ്പോൾ താരപുത്രന് പിന്തുണയറിയിച്ചുകൊണ്ടാണ് ബോളിവുഡ് താരങ്ങൾ രംഗത്തെത്തുന്നത്. ഇത്തരത്തിൽ ആര്യൻ ഖാന് പിന്തുണയറിയിച്ചുകൊണ്ട് ബോളിവുഡ് നടി സോമി അലി പങ്കുവെച്ച പോസ്റ്റ് വിവാദങ്ങൾക്ക് തുടക്കം കുറിക്കുകയാണ്.

പാക് വംശജയും അമേരിക്കൻ നടിയുമായ ബോളിവുഡ് താരം സൽമാൻ ഖാന്റെ മുൻ കാമുകിയാണ് പോസ്റ്റ് പങ്കുവെച്ചത്. ഏത് കുട്ടിയാണ് മയക്കുമരുന്ന് ഉപയോഗിക്കാത്തത് എന്നാണ് സോമി ചോദിക്കുന്നത്. മയക്കുമരുന്നും വ്യഭിചാരവും സമൂഹത്തിൽ നിന്നും ഇല്ലാതാക്കാൻ സാധിക്കില്ല. അതിനാൽ ഇത് കുറ്റകരമല്ലാതാക്കണം എന്നും സോമി ആവശ്യപ്പെടുന്നു.

ആരോപണവിധേയനായ ആര്യൻ ഖാന്റെ അവസ്ഥ ഭയാനകമാണ്. അവനെ വെറുതെ വിടണം. ഈ ലോകത്ത് ആരും പുരോഹിതന്മാർ അല്ല. താൻ 15 ാം വയസിൽ കഞ്ചാവ് ഉപയോഗം തുടങ്ങിയെന്നും പിന്നീട് അന്തോലൻ സിനിമാ ചിത്രീകരണത്തിനിടെയും ഉപയോഗിച്ചെന്നും നടി പറഞ്ഞു. തനിക്കതിൽ ഖേദമില്ലെന്നും സോമി അലി കൂട്ടിച്ചേർത്തു. എന്നാൽ ഈ പോസ്റ്റ് പ്രചരിച്ചതോടെ പ്രതിഷേധവുമായി നിരവധി പേരാണ് രംഗത്തെത്തിയിരിക്കുന്നത്.