ഹിന്ദുവാണെന്ന വ്യാജേന 17 കാരിയെ പ്രണയം നടിച്ച് തട്ടിക്കൊണ്ടു പോയി പീഡിപ്പിച്ചു; യുവാവ് അറസ്റ്റിൽ

അഹമ്മദാബാദ് : ഹിന്ദുവാണെന്ന വ്യാജേന പ്രായപൂർത്തിയാകാത്ത പെൺകുട്ടിയെ പ്രണയം നടിച്ച് തട്ടിക്കൊണ്ടു പോയി പീഡിപ്പിച്ച സംഭവത്തിൽ യുവാവ് അറസ്റ്റിൽ. സൂറത്ത് സ്വദേശിയായ 21 കാരനെയാണ പോലീസ് അറസ്റ്റ് ചെയ്തത്. 17കാരിയുടെ പരാതിയിലാണ് നടപടി.

സമൂഹമാദ്ധ്യമം വഴിയാണ് യുവാവും പെൺകുട്ടിയുമായി സൗഹൃദത്തിലായത്. യുവാവിന്റെ സമൂഹമാദ്ധ്യമ അക്കൗണ്ടിന് ഹിന്ദു പേരാണ് നൽകിയിരുന്നത്. ഇരുവരും തമ്മിലുള്ള സൗഹൃദം പ്രണയമായി മാറി. തുടർന്ന് കഴിഞ്ഞ് 30 ന് യുവാവിനൊപ്പം പെൺകുട്ടി ഒളിച്ചോടുകയായിരുന്നു.

വഡോദരയിൽ എത്തിയ ഇരുവരും ലോഡ്ജിൽ മുറിയെടുത്തു. ഇവിടെവച്ച് പെൺകുട്ടിയെ ഇയാൾ പീഡനത്തിന് ഇരയാക്കുകയായിരുന്നു. തുടർന്ന് പെൺകുട്ടിയോട് മതം മാറാൻ ഇയാൾ ആവശ്യപ്പെട്ടു. ഇതിന്റെ ആവശ്യം ചോദ്യം ചെയ്തതോടെയാണ് താൻ ഹിന്ദുവല്ലെന്ന് യുവാവ് വെളിപ്പെടുത്തിയത്.

ഇതിനിടെ പെൺകുട്ടിയെ കാണാതായതോടെ പിതാവ് പോലീസിൽ പരാതി നൽകി. ഇതിൽ അന്വേഷണം നടത്തുന്നതിനിടെ വഡോദരയിൽ നിന്നും ഇരുവരെയും പോലീസ് പിടികൂടുകയായിരുന്നു. ബന്ധുക്കൾക്കൊപ്പം വീട്ടിലേക്ക് മടങ്ങിയ പെൺകുട്ടി യുവാവിനെതിരെ പരാതിയും നൽകി. ഇതിലാണ് 21 കാരനെ അറസ്റ്റ് ചെയ്തത്.

തട്ടിക്കൊണ്ട് പോകൽ, പീഡനം, വഞ്ചന എന്നീ കുറ്റങ്ങൾ ചുമത്തിയാണ് കേസ് രജിസ്റ്റർ ചെയ്തിട്ടുള്ളത്.