പാനിപ്പട്ട് : ദീപങ്ങളുടെ ഉത്സവമായ ദീപാവലി സ്നേഹത്തിന്റെ കൂടി ഉത്സവമാക്കി മാറ്റി പാനിപ്പട്ടിലെ മദ്രസ . സനൗലി ഗ്രാമവാസികൾക്കൊപ്പമാണ് ജംബ മദനിയ സാബിലു രിസാദ് മദ്രസ വിദ്യാർത്ഥികളും , പുരോഹിതന്മാരും ദീപാവലി ആഘോഷിച്ചത് .
യമുന ഇംപ്രൂവ്മെന്റ് കമ്മിറ്റി സംസ്ഥാന പ്രസിഡന്റ് അഡ്വക്കേറ്റ് രത്തൻ സിംഗ് റാവലിന്റെ നേതൃത്വത്തിൽ കമ്മിറ്റി അംഗങ്ങൾ സനൗലി ഖുർദിൽ സ്ഥിതി ചെയ്യുന്ന മദ്രസയിൽ സർവ ധർമ്മ സഭ സംഘടിപ്പിച്ചിരുന്നു . തുടർന്നായിരുന്നു ദീപാവലി ആഘോഷം. മദ്രസയുടെ ചുമതലയുള്ള മൗലാന അസ്ജദും മൗലവി ഹാറൂൺ മജീദിയും ചേർന്ന് മുസ്ലീം വിശ്വാസികൾക്കും ദീപാവലി മധുരം നൽകി.
എല്ലാ ഉത്സവങ്ങളും ഒരുമിച്ച് ആഘോഷിക്കണമെന്ന ആഹ്വാനത്തോടെയാണ് മദ്രസയിലും ദീപാവലി ആഘോഷിച്ചതെന്ന് രത്തൻ സിംഗ് റാവൽ പറഞ്ഞു. മദ്രസയിൽ യമുനാ സമിതിയുടെ ആഭിമുഖ്യത്തിൽ എല്ലാ വർഷവും ദീപാവലി ആഘോഷം നടത്താറുണ്ടെന്ന് മൗലവി ഹാജി ഹാറൂൺ മജീദി പറഞ്ഞു.
സാധാരണ മദ്രസയെ പോലെ ഇവിടെ മതപഠനം മാത്രമല്ല നടത്തുന്നതും . ഇവിടെ കുട്ടികളെ ഒന്നാം ക്ലാസ് മുതൽ എട്ടാം ക്ലാസ് വരെ ഉറുദു, ഹിന്ദി, ഇംഗ്ലീഷ് ഭാഷകൾ പഠിപ്പിക്കുന്നുണ്ട് . മറ്റ് വിഷയങ്ങൾക്ക് പ്രാധാന്യം നൽകുന്ന പഠന രീതിയാണ് ഇവിടെ ഉള്ളതെന്നും ഹാറൂൺ മജീദി പറഞ്ഞു.
Comments