മുംബൈ: വ്യാപാര ആഴ്ചയുടെ ആരംഭത്തിൽ ഓഹരിവിപണിയിൽ ഉയർച്ച. സെൻസെക്സ് 32.02 പോയിന്റ് അഥവാ 0.05 ശതമാനം ഉയർന്ന് 60718.71ലും, നിഫ്റ്റി 6.70 പോയിന്റ് അഥവാ 0.04 ശതമാനം ഉയർന്ന് 18109.50ലും തിങ്കളാഴ്ച വ്യാപാരം അവസാനിച്ചു. ഏകദേശം 1218 ഓഹരികൾ മുന്നേറി, 2038 ഓഹരികൾ ഇടിഞ്ഞു, 145 ഓഹരികൾക്ക് മാറ്റമില്ല.
പവർ ഗ്രിഡ് കോർപ്, സിപ്ല, ഐടിസി, ഒഎൻജിസി, യുപിഎൽ തുടങ്ങിയ ഓഹരികൾ നേട്ടമുണ്ടാക്കിയപ്പോൾ, കോൾ ഇന്ത്യ, ടാറ്റ സ്റ്റീൽ, ഹിൻഡാൽകോ, ഐഷർ മോട്ടോഴ്സ്, ജെഎസ്ഡബ്ല്യു സ്റ്റീൽ തുടങ്ങിയ ഓഹരികൾ നഷ്ടത്തിലായി.
മേഖലാതലത്തിൽ, ഹെൽത്ത് കെയർ സൂചിക രണ്ട് ശതമാനം ഉയർന്നപ്പോൾ മെറ്റൽ, പൊതുമേഖലാ ബാങ്ക് സൂചികകൾ ഒരു ശതമാനം വീതം ഇടിഞ്ഞു. ബിഎസ്ഇ മിഡ്ക്യാപ് സൂചിക 0.4 ശതമാനവും സ്മോൾക്യാപ് സൂചിക 0.2 ശതമാനവും താഴ്ന്നു.
