ടെൽ അവീവ്: ഇസ്രായേലിൽ സന്ദർശനത്തിന് എത്തിയ ഇന്ത്യൻ കരസേനാ മേധാവി ജനറൽ എം.എം നരവനെയ്ക്ക് ഇസ്രായേൽ് സൈന്യത്തിന്റെ ഗാർഡ് ഓഫ് ഓണർ. ഗാർഡ് ഓഫ് ഓണർ പരിശോധിച്ച് പരേഡിലും അദ്ദേഹം അഭിവാദ്യം സ്വീകരിച്ചു. ഇസ്രായേൽ കരസേനാ മേധാവി ജനറൽ ടാമിർ യാദെയുമായും അദ്ദേഹം കൂടിക്കാഴ്ച നടത്തി. സൈനിക ഉഭയകക്ഷി സഹകരണമാണ് ചർച്ചാവിഷയമായതെന്ന് സേന അറിയിച്ചു.
ഇരുരാജ്യങ്ങളും തമ്മിലുളള പ്രതിരോധ ബന്ധത്തിൽ കൂടുതൽ സഹകരണം ലക്ഷ്യമിട്ടുളള ചർച്ചകൾക്കാണ് നരവനെ ഇസ്രായേലിൽ എത്തിയത്. സൈനിക, ഭരണ നേതൃത്വവുമായി അദ്ദേഹം കൂടിക്കാഴ്ച നടത്തുന്നുണ്ട്.
അഞ്ച് ദിവസമാണ് നരവനെ ഇസ്രായേലിൽ സന്ദർശനം നടത്തുക. കരസേനാ മേധാവിയെന്ന നിലയിൽ അദ്ദേഹത്തിന്റെ ആദ്യ ഇസ്രായേൽ സന്ദർശനമാണ്. സൈനിക സാങ്കേതിക മേഖലയിൽ ഉൾപ്പെടെ ഇസ്രായേലിന്റെ സഹായവും സഹകരണവും അദ്ദേഹം തേടും.
നേരത്തെ വിദേശകാര്യമന്ത്രി എസ് ജയശങ്കറും പ്രതിരോധ സെക്രട്ടറി അജയ് കുമാറും ഇസ്രായേൽ സന്ദർശിച്ചിരുന്നു. ഇതിന്റെ തുടർച്ചയാണ് നരവനെയുടെ സന്ദർശനം. ഓഗസ്റ്റിൽ അന്നത്തെ വ്യോമസേനാ മേധാവിയായിരുന്ന ആർ.കെ.എസ് ബദൗരിയയും ഇസ്രായാൽ സന്ദർശിച്ചിരുന്നു.
Comments