പാലക്കാട്: കീഴടങ്ങിയ കമ്യൂണിസ്റ്റ് ഭീകരന് വീടും തൊഴിലും ധനസഹായവും നൽകാൻ തീരുമാനം. കഴിഞ്ഞ മാസം വയനാട്ടിൽ കീഴടങ്ങിയ കമ്യൂണിസ്റ്റ് ഭീകര നേതാവ് ലിജോ എന്ന രാമുവിനാണ് സർക്കാർ ആനുകൂല്യം നൽകുക. വയനാട് ജില്ലാ ഭകണകൂടത്തിന്റെ ആവശ്യത്തെ തുടർന്നാണ് സംസ്ഥാന സർക്കാർ ആനുകൂല്യം പ്രഖ്യാപിച്ചത്.
കമ്യൂണിസ്റ്റ് ഭീകര സാന്നിദ്ധ്യം കൂടുതലുള്ള പത്ത് സംസ്ഥാനങ്ങളുമാണ് കേന്ദ്ര ആഭ്യന്തരമന്ത്രാലയം ചർച്ച നടത്തിയിരുന്നു. കേരളമടക്കമുള്ള സംസ്ഥാനങ്ങളിലെ മുഖ്യമന്ത്രിമാരുമായാണ് ആഭ്യന്തരമന്ത്രി അമിത് ഷാ ചർച്ച നടത്തിയത്. യോഗത്തിൽ കീഴടങ്ങുന്ന ഭീകരർക്ക് എല്ലാ സഹായവും വാഗ്ദാനം ചെയ്തുള്ള കർമ്മ പദ്ധതികളാണ് മുന്നോട്ട് വെച്ചത്. ഇതിന്റെ ഭാഗമായാണ് സംസ്ഥാനങ്ങളിൽ കമ്യൂണിസ്റ്റ് ഭീകരർ കീഴടങ്ങുന്നത്.
കേന്ദ്ര നിർദ്ദേശത്തെ തുടർന്ന് കേരള-കർണാടക-തമിഴ്‌നാട് അതിർത്തികളിൽ തമ്പടിച്ചിരിക്കുന്ന കമ്യൂണിസ്റ്റ് ഭീകരർക്ക് മുന്നിൽ സർക്കാർ വെച്ചിരിക്കുന്നത് വൻ വാഗ്ദാനങ്ങളാണ്. കീഴടങ്ങുന്ന എല്ലാ മാവോയിസ്റ്റുകൾക്കും വീട്, തൊഴിലവസരം, ധനസഹായം എന്നിവ നൽകും. ഭീകരത ഉപേക്ഷിച്ച് കീഴടങ്ങണമെന്ന് സർക്കാർ ആവശ്യപ്പെട്ടിട്ടുണ്ട്.
Comments