കുവൈറ്റ് സിറ്റി : മോഹൻലാല്‍ ചിത്രം മരക്കാർ അറബിക്കടലിന്റെ സിംഹം എന്ന ബ്രഹ്മാണ്ഡ ചിത്രത്തിന്‍റെ കുവൈറ്റിലെ ആഘോഷങ്ങള്‍ ഒഴിവാക്കികൊണ്ട് ലാല്‍കെയേഴ്സ് ചികിത്സാ സഹായം നല്‍കി. മൂന്ന് ദിവസങ്ങളിലായി നടത്തിയ 12 ഫാൻസ് ഷോകൾക്കും ആഘോഷങ്ങൾ ഒഴിവാക്കി, അതിനായി മാറ്റിവെച്ച തുക ഒരു നിർധന രോഗിയുടെ ചികിത്സ സഹായത്തിനായി നല്‍കുകയായിരുന്നു.
ഫാൻസ് ഷോയിൽ നിന്നും സമാഹരിച്ച് തുക ഡോ. പി. സരിത ചാരിറ്റി കമ്മിറ്റി മെമ്പർ എബിൻ കുളങ്ങര കൈമാറി. പ്രസിഡൻറ് രാജേഷ് ആർ ജെ , ജനറൽ സെക്രട്ടറി ഷിബിൻലാൽ, ട്രഷറർ അനീഷ് നായർ, വൈസ് പ്രസിഡൻറ് ജോസഫ് സെബാസ്റ്റ്യൻ, ജോർലി ജോസ്, മനോജ് ചാരുംമൂട്, അഖിൽ അശോകൻ, പ്രവീൺകുമാർ, ലേഡീസ് വിംഗ്ഗ് ജോയിന്റ്‌ കോഡിനേറ്റർ രാധ റ്റി നായർ, അങ്കിത മനോജ് എന്നിവർ നേതൃത്വം നൽകി.
ലാൽ കെയെഴ്സ് കുവൈറ്റ് യൂണിറ്റ് കോവിഡ് വ്യാപനത്തിന്റെ സമയത്ത് നടത്തിയ ഫുഡ് കിറ്റ് വിതരണം ഉൾപ്പെടെ ശ്രദ്ധേയമായ പ്രവർത്തനം കാഴ്ച വച്ചിരുന്നു. ഓൺലൈൻ പഠനത്തിനായി വൈദ്യുതി ലൈൻ ഉപയോഗിക്കുന്നതിനിടെ ഷോക്കേറ്റ് മരിച്ച നിർധനയായ വിദ്യാർഥിനിയുടെ കുടുംബത്തിന് ‘ ശാന്തി ഭവനം’ എന്ന പേരിൽ നിർമ്മിച്ച് നൽകുന്ന വീടിന്റെ നിർമ്മാണം അന്തിമഘട്ടത്തിലാണ്.
Comments